Ministru Justisa Dr. Tiago Amaral Sarmento foto hamutuk ho Prezidente Autoridade Munisípiu Dili, Sra. Guilermina Diretor Jeral Rosito Guterres, Diretora Munisípal Konservatoriu no Rejistu Notariadu Munisípiu Dili, Sra. Octavia Celeste S. Soares no Autoridade Lokál sira iha edifisiu foun, Caicoli, Kuarta (19/10).

Dili, MJ: Iha Kuarta-feira (19/10), loraik ne'e hafoin reuniaun ho União Nasionál Juventude Maubere (UNIJMA) Ativista Pro-RDTL, Ministru Justisa Dr. Tiago Amaral Sarmento kontinua halo inagurasaun ba Edifisiu foun Konservatoriu no Servisu Notariadu Munisípal Dili nian iha Caicoli, Dili.

Ministru Justisa Dr. Tiago Sarmento hamutuk ho Prezidenre Autoridade Munisípiu Dili no Autoridade lokál sira, halo inagurasaun ba Edifisiu foun Konservatoriu no Servisu Rejistu Notariadu Munisípal Dili, iha Caicoli, ne'ebé konstrui liuhusi implementa Programa Dezenvolvimnetu Integradu Munisípal (PDIM).

Prezidente Autoridade Munisípiu Dili, Sra. Guilermina entrega termus de entrega ba Diretora Munisípal Konservatoriu no Rejistu Notariadu Munisípiu Dili, Sra. Octavia Celeste S. Soares no asiste husi Ministru Justisa Dr. Tiago Amaral Sarmento, Diretor Jeral, Rosito Guterres no Autoridade Lokál sira iha edifisiu foun, Caicoli, Kuarta (19/10).

Iha intervensaun Ministru Justisa Dr. Tiago Amaral Sarmento lori Ministériu Justisa nian naran hato'o obrigadu no agradese ba MAE, Autoridade Dili no ema hot-hotu ne'ebé kontribui ba konstrusaun edifisiu ida ne’e.

“Tanba ita hotu hatene ami Ministériu Justisa sempre viral no rona lian tanba fatin tuan halo atendimentu ba ema kuaze forma kleur no iha loron manas laran deit”.”Razaun ida mak tanba kondisaun ladiak no funsionariu barak tebes. Ho edifisiu ne’e bele ajuda ona Notariadu Munisípiu Dili hodi bele halo atendimentu ho diak liu tan.”

Obrigado ba Sr.Diretor Jeral Rosito, Sra.Prezidente Autoridade ho nia ekipa tomak, nomós ba kompania ne’ebé halo konstrusaun, tanba iha politika ne’ebé klaru hodi kria kondisaun diak ba atendimentu públiku sira.”

“Ba oin ho MAE ita sei halo servisu hamutuk iha atividade barak no oinoin. Tanba MAE mak koalia kona-ba Desentralizasaun no poder lokal.”

Iha fatin hanesan Prezidente Autoridade Munisípiu Dili, Sra. Guilhermina hato'o Parabéns ba kompania implementador no Parabéns ba Diretora Notariadu Munisípiu Dili ho nian funsionariu sira, tanba bele iha ona fatin servisu foun.

Diretora konservatoriu no Servisu Rejistu Notariadu Munisípal Dili, Sra. Octavia Celeste S. Soares ho funsiunariu sira no Konvidadus sira ne’ebe partisipa iha seremonia inagurasaun edifisiu foun iha Caicoli, Dili (19/10).

“Kuidado halo didiak ba para fatin ne’e bele kondisaun diak nafatin no bele halo atendimentu ne’ebé diak liu.”

Diretor Jeral, Rosito Guterres iha nian intervensaun hateten, MAE nian vizaun ba Desentralizasaun no poder lokál mak kria kondisaun iha munisípiu sira hotu hodi bele halo atendementu ba nia populasaun sira ho lalais, diak no efikásia.

“Esperra ho fasilidade edifisiu ida ne’e, bele ajuda servisu Notariasu Munisipiu Dili no kolega sira Ministériu Justisa para bele iha kondiasaun no bele halo atendimentu diak liu tan ba ita nia komunidade sira, hau nian obrigadu ba kompana, Hau nia parabéns ba Autoridade Dili.”

Edifisiu ne’e implementa liu husi projetus PDIM Munisípiu Dili nian, kompleta ho mobiliariu, Sala Reuniuan ida, Sala Atendementu Tolu, Sala Arquivo no espasu ba atendementu públiku.

Seremonia Inagurasaun ne'e partisipa mós husi Autoridade lokál sira nomós funsiunariu sira husi Ministériu Justisa no konvidadus sira.

19 Outubru 2022
#Media_Gabinete_MJ