Dili, 13/10/2022, Sua Exselensia Vise Ministru Justisa Dr. José Edmundo Caetano (Saka Timor), akompanha Ministru Justisa halo Audensia ho Komisaun A Parlamentu Nasional Asuntu Konstitusional I Justisa hodi Diskuti konaba Orsamentu Jeral Estadu 2023 nian ne’ebe propoin ba Ministeriu Justisa. Kinta-feira ne’e iha sala enkontru komisaun A PN.

Audeiensia nee, prezidi husi prezidenti komisaun A parlamentu nasional nebe trata asuntu Konstitusional I Justisa Dr. Joaquin do Santos Borluli, hamutuk ho membru hala’o audeinsia ho Ministeriu Justisa, nebe lidera husi Ministru Justisa Dr. Tiago Amaral Sarmentu i Vise Ministru Justisa Dr. José Edmundo Caétano no akompanha husi dirijentes nasional Ministeriu Justisa inklui PCIC hodi diskute Orsamentu Jeral Estadu Tinan 2023 nian ba Ministeriu.

Iha audeinsia ne’e, Ministru Justisa relata ba komisaun A, orsamentu ba Ministeriu Justisa iha tinan oin ne’e propoin 13 milloens. Liu husi montante orsamentu refere bele ajuda ona programa nebe ministeriu trasa ona. Programa prioridade mak hanesan produs direita bilete indentidade no certidaun RDTL iha suku no aldeia nebe komesa ona iha munisipiu Lautem no too ona iha Viqueque, produs sertifikadu nain ba rai no identifikasaun ba dominiu publiku estadu, no programa sira seluk nebe presiza tau atensaun. Entre tantu, ezekusaun orsamentu ministeriu Justisa tinan ida nee nian agora atinji ona % 53.
Iha parte seluk, Ministru Justisa hato’o mos agradese ba komisaun A Parlamentu Nasional tamba sempre ajuda nafatin ministeriu justisa iha parte hotu.