Dili, 10/10/2022, Sua Exselensia Vise Ministru Justisa Dr. José Edmundo Caetano (Saka Timor), Enkontru ho Embaixada Timor Leste Nian iha Portugal, Hodi Buka Solusaun ba Sidadaun Timor Oan nebe Hasoru Difikuldade iha Portugal. Segunda-feira ne’e iha sala enkontru MNEC Praia dos Coquieros-Dili.
Enkontru ne’e, diriji husi Ministru MCAE, Sr. Joaquin Amaral akompanha husi Vise Ministru Negosiu Estrangeiru i Cooperesaun, Sr. Julião da Silva, Vise Ministru Justisa, Dr. Jose Edmundo Caetano, Secretario Estado Formasaun Professional i Empregu, Sr.Alarico do Rosario, no partisipa husi director nasional no consulares, I asesores legais, no ajensia sira, entre tantu Embaixada Timor Leste ba protugal Sr. Izabel Guterres liu husi forum zoom.

Objetivu enkontru ne’e, diskute medida posiveis sira, iha poin rua mak sei kolia, kona ba aktualiza informasaun ba sidadaun Timor oan nebe hetan difikuldade iha Portugal no identifika ajensia internasional nebe kolabora ho estadu, hamutuk hodi fo solusaun ba problema nebe sidadaun sira hasoru iha eropa. Kolia mos oinsa buka medida ida hodi prevene iklima malirin nebe sei akontese iha tempu badak nia laran, ne’ebe sei afeta ba ita nia sidadaun sira nebe iha Portugal.

Liu husi zoom ne’e, Embaixada Timor Leste iha Portugal relata informasaun katak Timor oan tama iha eropa kada semana-semana, balun liu ba irlandia, ingletera, ukraina, Canada, no Portugal, entre tantu, sidadaun sira nebe hela iha Portugal, kondisaun lapermite hela iha neba tamba sira lori osan ladun barak, nune’e labele selu uma atu hela, no Timor oan barak mak sei lori karakter husi Timor, nebe iha neba kria nafatin problema entre Timor ho Timor. Nune’e estadu diskuti hodi bele buka medida ida para prevene no enkoraja nafatin timor oan sira nebe hela iha ema nia rain labele kria problema ba malu, hanesan Sidadaun Timor-oan bele hare malu hanesan familia kuidadu malu hodi hare loos ba servisu, nune’e hetan osan oituan hodi sustenta familia sira iha Timor Leste. Iha mos problema konaba dokumentus legais sira nebe data expira ona no labele asesu iha viagen tamba ne’e ministeriu justisa hare ba asuntu ne’e, oinsa bele hetan solusaun.

Parte Ministeriu Justisa, Vise Ministru Justisa hatan ba proplema dokumentus sira nebe data expira ona, sei buka mekanismu ida hodi bele resolve no aktualiza fali sidadadun sira nia dokumentus. Ministeriu sei tau ba iha planu, hodi bele haruka tekniku sira ba produz sidadaun sira nia dokumentus.