MINISTRU JUSTISA HALO ABERTURA ENKONTRU MEZA REDONDA HODI FOLLOW UP REKOMENDASOEN HUSI MEKANIZMU DIREITUS UMANUS BA TIMOR-LESTE

Ministru Justsa Dr. Tiago Amaral Sarmento iha intervensaun bainhira haloa bertura ba workshop hodi follow up ba Rekomendasoen sira husi Mekanizmu Direitus Umanus Timor-Leste iha Suai Room, Tim

Dili, MJ: Ministru Justisa Dr. Tiago Amaral Sarmento Kinta-feira (06/07) dader ne'e halo abertura ba enkontru meza redonda, ne’ebe halibur parte ONU, Ministériu Justisa, INDDICA no FOKUPERS iha Suai Room Timor-Plaza, Dili.

Objetivu husi eventu meza redonda ne'e atu:

  1. Fó hanoin fali kona-ba obrigasaun internasionál iha area direitus umanus ba Timor-Leste.
  2. Hasae koñesimentu kona-ba rekomendasaun ne'ebé hato'o ba Timor-Leste i hosi mekanizmu internasional direitus umanus oi-oin, inklui Revizaun Periodika Universal, Prosedura Espesial nomós Tratadu no ikus liu
  3. Fasilita diskusaun kona-ba asaun xave ne'ebé entidade Estadu, liu-liu Governu, bele foti ba asuntu prioridade hodi implementa rekomendasaun hosi mekanizmu internasional.
  4. Ikusliu sei iha grupu diskusaun hodi bele identifika diak asaun prioridade atu implementa rekomendasoens ba kestaun labarik sira iha Timor-Leste.

Ministru Justisa Dr. Tiago Amaral Sarmento konversa ho Prezidente INDDICA sra. Donarah Granadeiro , Reprezentante UNICEF iha Timor-Leste, Sr. Bilal Aurang Zeb Durani.

Hafoin Ministru Justisa Dr. Tiago Amaral Sarmento no Reprezentante UNICEF iha Timor-Leste, Sr. Bilal Aurang Zeb Durani halo abertura ba eventu follow up ba Rekomendasoen sira husi Mekanizmu Direitus Umanus ba Timor-Leste refere, iha mós aprezentasoens husi ekipa Direitus Umanus ONU kona-ba Mekanizmu Direitus Umanus ONU nian, no kontinua kedas ho aprezentasaun Rekomendasoens sira husi Mekanizmu Direitus Humanus kona-ba Direitu Labarik.

Hafoin ne’e kontinua ho aprezentasoens Rekomendasoens mekanizmu ONU kona-ba direitu labarik implementa iha planu Asaun Governu – Pratika diak no Obstaklu husi INDDICA, no FOKUPERS hato’o observasaun Jeral ba Direitru Labarik no aprezentasaun kona-ba situasaun atual.

Ikusliu sei iha grupu diskusaun hodi bele identifika diak asaun prioridade atu implementa rekomendasoens ba kestaun labarik sira iha Timor-Leste.

06 Outubru 2022
#Media_Gabinete_MJ