Ministru Justisa Dr. Tiago Amaral Sarmento reuniaun ho Sekretariu Estadu ba Igualidade no Inkluzaun (SEII) Sra. Maria do Rosario Fatima Correia, ne'ebé akompaña mós husi Fokupers no Redi Feto, Gabinete Ministru Justisa, Tersa (27/09).

Dili, MJ: Tersa-feira (27/09) loraik ne’e hafoin reuniaun ho ekipa husi Oxfam hodi fo hanoin kona-ba Direitu Feto ba Rai iha Timor-Leste, Ministru Justisa Dr. Tiago Amaral Sarmento kontinua simu no reuniaun ho Sekretariu Estadu ba Igualidade no Inkluzaun (SEII) Sra. Maria do Rosario Fatima Correia, ne'ebé akompaña mós husi FOKUPERS no Redi Feto.

Iha reuniaun parte SEII esplika ba Ministru Justisa katak SEII hamutuk ho sosiedade Sivil hanesan JSMP, ALFELA, FOKUPERS no The Asia Foundation (TAF) hasoru Ministru Justisa hodi koalia no diskuti hamutuk Kona-ba proposta alterasau ba Lei Kontra Violência Doméstika. Tamba tuir SEII nia parte analiza katak, iha kestaun balun ne'ebé Lei Kontra Violênsia Domestika ne'e ládun forte hodi proteje feto nia direitu husi krime incesto nian.

Ministru Justisa Dr. Tiago Amaral Sarmento apóio hanoin ida ne'e no fó hanoin mós katak ekipa DNAJL sei apóiu ba prepara proposta refere.

Reuniaun ne'e akompaña mós husi Diretor Nasionál Assesoria Jurídiku no Lejizlasaun (DNAJL) Nelinho Vital.

27 Setembru 2022
#Media_Gabinete_MJ