Ministru Justisa Dr. Tiago Amaral Sarmento, Ministru Prezidensia Konsellu Ministru, Fidelis L. Magalhaes, Vise Prezidente Parlamentu Nasionál Maria Angelina Sarmento ho partisipantes sira iha simposiu, foto hamutuk ho Arcebispo Edgar Pena Parra, Vise Primeiru-Ministru Vatikanu, UCT, Tersa (21/09).

Dili, MJ: Hafoin partisipa lansamentu Sentru Fraternidade Umana Timor-Leste iha Palasiu Prezidensial, Bairru-Pite, Segunda-feira (19/09). Iha Tersa-feira (20/09), loron Ministru Justisa Dr. Tiago Amaral Sarmento kontinua partisipa iha ”simpósio sobre a declaração Abu Dhabi sobre a Fraternidade Humana em Prol da Paz Mundial dotado Pelo Parlamento Nacional da RDTL como Documento Nacional,” ne’ebé hala’o iha oras tuku 09:00 Otl dader ne’e, hala’o salaun Nobrel da Paz, Kampus Sentral UCT, Balide.

Iha Inagurasaun iha Palasiu Prezidensial, Bairru-Pite, Kardeál Dom Virgílio do Carmo da Silva hateten Timor-Leste nasaun ki’ik ida iha mundu no ASEAN ne’ebé adota ona dokumentu fraternidade umana nu’udar matadalan ba moris sociedade sosiál, politica no demokrásia nian iha rai ne’e.”

Signifika Timor-Leste hatudu nia hakarak manifesta dezeju atu sai faról ne’ebé leno mundu ho ninia espíritu nu’udar masin hodi halo meer mundu no naroman hodi leno nafatin nakukun mundu nian.

Ministru Justisa Dr. Tiago Amaral Sarmento kaer liman ho Arcebispo Edgar Pena Parra, Vise Primeiru-Ministru Vatikanu, iha Universidade Catolica Timot-Leste, Tersa (21/09).

Dokumentu fraternidade umana kona-ba pás mundiál no konvivensia komum ne’ebé asina hosi Papa Francisco ho Saserdote Musulmanu Al-Azhar, Ahmad Al- Tayyeb, ninia inside propriu hakerek nune’e; “Fiar lori ema fiar na’in sira hare iha sira seluk maun-alin ida-ne’ebé tenke ajuda no hadomi hosi fiar Maromak ne’ebé mak halo buat hotu universe, kriatura tomak ho ema hotu”.

Simposiu ne'e partisipa mos husi Prezidente Republika Dr. Jose Manuel Ramos Horta, Ministru Prezidensia Konsellu Ministrus, Fidelis M. Leite no Arcebispu Edgar Pena Parra ne'ebé sei subtitui Enkaregadu Negosiu Santa Sé, Monsenor Marco Siprizzi, Koordenador Nasoen Unidas iha Timor-Leste, Sr. Roy Trivedy no membru Governu balun.

Aleinde ne’e iha Tersa-feira (20/09) kalan, Ministru Justisa Dr. Tiago Amaral Sarmento kontinua partisipa iha inagurasaun Sede Foun Nunsiatura Apostolika ka Embaixada Santa Sé iha Motael, Dili, Timor-Leste.
Edifisiu Embaixada Santa Sé iha Timor-Leste inagura husi Prezidente Repùblika Dr. Jose Ramos Hort no partisipa mós husi Prezidente Parlamentu Nasionál, Aniceto Guterres ho membru balun, Enkaregadu Negosiu Santa Sé foun iha Timor-Leste Arcebispo, Edgar Pena Parra nomós membru Governu balun.

No iha Kuarta-feira (21/09) kalan, kontinua partisipa iha Banquete Ofisial ne’ebé oferese husi Prezidente Repúblika Dr. Jose Ramos-Horta ba Vise –Primeiru Ministru Santa Sé ne’ebé substitui Sekretariu Estadu Vatikanu nian iha Timor-Leste, no ikus- liu Ministru Justisa Dr. Tiago Amaral Sarmento kontinua partisipa iha Selebrasaun Eukaristia ne’ebé selebra husi Arcebispo Edgar Pena Parra, Vise Primeiru Ministru Vatikanu iha Igreja Katedral, Dili.

22 Setembru 2022
#Media_Gabinete_MJ