Dili, MJ: Segunda-feira (19/09) loraik ne'e, hafoin reuniaun ho komunidade husi Aldeia 04, Suku Marconi ne'ebé akompaña mós husi ONG Rede ba Rai, Ministru Justisa Dr. Tiago Amaral Sarmento kontinua ba partisipa iha seremonia lansamentu ”Centro da Fraternidade Humana em Timor-Leste Para Pas Mundial e Convivência Comum,” ne'ebé hala'o iha Palásiu Prezidensial, Bairru-Pite, Dili.

Iha intervensaun Dom Virgílio Kardeál do Carmo da Silva hateten Timor-Leste nu’udar nasaun ki’ik ida iha mundu no ASEAN ne’ebé hadomi adota ona dokumentu fraternidade umana nu’udar matadalan ba moris sosiedade sosiál, polítika no demokrásia nian iha rai ne’e.

Signifika Timor-Leste hatudu nia hakarak manifesta dezeju atu sai faról ne’ebé leno mundu ho ninia espíritu nu’udar masin hodi halo meer mundu no naroman hodi leno nafatin nakukun mundu nian.
Dokumentu fraternidade umana kona-ba pás mundiál no konvivensia komun ne’ebé asina hosi Papa Francisco ho Saserdote Musulmanu Al-Azhar, Ahmad Al- Tayyeb, ninia inside propriu hakerek nune’e; Fiar lori ema fiar na’in sira haree iha sira seluk maun-alin ida-ne’ebé tenke ajuda no hadomi hosi fiar Maromak ne’ebé mak halo buat hotu universe, kriatura tomak ho ema hotu”.

19 Setembru 2022
#Media_Gabinete_MJ