Liquisa, 26/8/2022, Sua Exselensia Vise Ministru Justisa Dr. José Edmundo caetano (Saka Timor) Hala’o Lansamentu Fatuk Inan Dahuluk ba Konstrusaun Uma Ruanolu iha KAITEHU, Husi Kompaña Blue Moon Beach Resort, sesta-feira ne’e, realiza iha Postu Administrativu Bazartete suku Ulmera, aldeia Motaikun, Kaitehu.
Iha seremonia ne’e, loke abertura husi exselensia Vise Ministru Justisa, akompanha husi Secretario Estado Terras Propriedades, Prezidenti Kompaña Blue Moon Beach Resort, reprezentante primero ministru Dr.Filipe Ximenes, Komandante F-FDTL, Comandante PNTL municipiu Liquisa, Secretario prezidenti autoridade munisipiu Liquisa i entidades importante sira nebe relevante no partisipa husi autoridade local Suku Ulmera inklui komunidades iha area kaitehu.

Intervensaun badak husi vise ministru katak papel ministeriu justisa liu husi Diresaun Terras Propriedade atu jere dominiu estado hotu-hotu iha soberanu ida ne’e, no nakloke ba ema hotu-hotu nasional tantu internasional atu halo investimentu iha rai doben ida ne’e, importante mak iha konsensia atu kompri rekezitus arendamentu ne’ebe estado fo sai no tuir lei nebe hatur iha estado soberanu ida ne’e.
Ministeriu justisa loke odamatan ba ema hotu atu halo investimentu iha ita nia rai atu nune’e bele kria kompu servisu ba ita nia juventude sira ne’ebe dezempregu hela.

Vise Ministru hamutuk ho entidade hotu-hotu la’o ain ba halo tuir kultura nebe diriji husi lia nain sira iha area refere nune’e konstrusaun hirak ne’e sei kualidade tuir natureza nia hakarak. Lansamentu refere hahu uluk ba uma adat nebe sei harii iha laletek kaitehu nian, depois hotu tiha neba mak foin mai fali iha rai tetuk tasi ibun nian hodi halo lansamentu ba uma turismu rau nolu nebe sei konstrui iha area refere.
Intervensaun husi prezidenti kompaña Blue Moon Beach Resort katak kompaña sei kompri kontratu arendamentu no fo kontribui ba estadu iha setor turismu, kompaña sei kolabora ho arte kultura hotu hanesan tebedai timor nian, teatru, dansa kultura, no arte kultura sira seluk nebe hakarak promove produtu iha fatin refere.

Komunidade sira husi parte refere kontenti ho pezensa kompaña Blue Moon Beach ne’ebe sei halo investimentu setor turismu iha fatin Kaitehu, sei fo benefisia ba sira no ba Timor oan hotu. Minimiza mos dezempregu iha suku refere no munisipiu Liquisa inklui Timor laran tomak. Tan ne’e komunidade sira apresia tebes no kolabora diak ho kompaña oinsa servisu hamutuk ho diak.
Seremonia refere, finaliza ho almoso hamutuk konvidadus inklui komunidades sira hotu.