Lautem, 18/8/2022, Sua Exselensia Vise Ministru Justisa dr. josé Edmundo caetano (Saka Timor) Akompaña Ministru Justisa halo Abertura ba Registo Sivil Movel no Lansamentu ba Registo Sivil Online, kinta-feira ne’e Realiza iha sede suku Com Postu Administrativu Com Munisipiu Lautem.

Lansamentu ne’e prezidi husi exselensia Ministru Justisa Dr. Tiago Amaral Sarmento no akompaña husi Vise Ministru Justisa, Defensor Publiku Gerel Dr. Cansio Xavier, secretario prezidenti Munisipiu Lautem, Administrador Postu COM, Director Geral Terras Propriedades, Director Geral Registo I Notariado, Director Nasional DNSPRS, Inspector Geral ,reprezentante PCIC, Komandante PNTL Munisipiu Lautem, Dirijentes sira seluk no mos partisipa husi lider autoridade local sira inklui komunidade sira iha postu refere.

Iha intervesaun badak husi exselensia Ministru katak, liu husi biban ida ne’e, hakarak fahatene no alerta ba povu Timor laran tomak espesial munisipiu lautem katak iha momentu ida ne’e ba oin ita boot sira labele halerik ba dokumentus hanesan Bilete Identidade(BI) no sertidaun RDTL tamba ministeriu justisa kria Sistema foun hodi fasilita ita boot sira mak hanesan Sistema Registu Sivil online, bele registu iha imi nia fatin depois konfirma no simu iha notariadu. Ba inan aman sira nebe taka sapeo mutin ne’e, ministeriu justisa liu husi diresaun nasional registu notariadu destaka ona tekniku sira iha nivel postu no suku hodi bele atende ba inan aman sira.

VIII Governu Konstitusional liu husi ministeriu justisa hadia Sistema ida ne’e, ho razaun katak dadus nebe mak diresaun registu I notariadu nota katak, dokumentu nasionalidade nebe mak durente ne’e produs katak mesak foin sae deit mak barak maibe ita nia inan aman sira minimu liu asesu ba dokumentus refere. Tan ne’e ministeriu justisa liu husi diresaun nasional registu I notariadu esforsu an makas hodi bele fo atendimentu ba komunidade iha sira nia fatin, nune’e labele difikulta inan aman sira lao ba dook.

Iha sorin seluk mos, ministru justisa deklara Liu husi politiku VIII governu, ministeriu justisa iha tempu badak sei atribui sertifikadu nain ba rai, ba komunidade sira. Ministru sublina liu tan katak tinan barak sidadaun Timor oan sedauk sai nain ba rai durane ne’e. liu husi sertifika refere komunidade sira bele hadia nia moris iha setor ekonimika hodi bele garantia necesidade uma laran.
Vise ministru no ministru justisa entrega simbolikamente sertidaun RDTL no Bilete indentidade ba komunidade sira nebe mai trata sira nia dokumentus registu sivil iha suku Com postu administrativu Com. Ministeriu justisa realiza program ida ne’e prioridade liu ba inan aman sira nebe fraku ona.

Dokumentu hirak ne’e importante tebes ba sidadaun hotu atu hetan, liu husi dokumetus refere bele hatudu ba mundo katak ita Timor oan no asesu ba buat hotu hanesan Bolsa da Mae, Idozus, no sel-seluk tan, tamba ne’e, estadu kria Sistema ne’e hodi bele fasilita Timor oan hotu.

Aumesmu tempu, sua exselensia ministru ho vise ministru justisa observa ba ekipamentus nebe lokalizada iha fatin refere.