Dili, 5/8/2022, Sua Exselensia Vise Ministru Justisa Dr. Jose Edmundo Caetano (Saka Timor) Partisipa Ceremonia Lansamentu Komemorasaun Loron Konsulta Popular Nian, 30 de Agostu 1999 iha Tinan 2022 Ba Dala Rua Nolu Resin Tolu (23), Sesta-feira ne’e Realiza iha Stadium nasional Dili.

Ceremonia ne’e, prezidi husi prezidenti komisaun Konsulta Popular 30 de Agustus 1999 ba dala 23, Ministru Administrasaun Estatal Sr. Miguel Preira de Carvalho, akompaña husi Vise Ministru Justisa Dr. Jose Edmundo Caetano, Comandante PNTL Munisipiu Dili, Prezidente Autoridade Municipal Dili, no Entidades sira seluk inklui joga dores sira no Dramband husi Escola São Paulo.

Prezidenti Komisaun hateten Governu estabelese ona komisaun organizadora atu maneja atividade ne’e, iha fatin hotu-hotu tantu iha munisipiu nebe mak nia lansamentu ona ne’e hau ohin iha Dili. Politika VIII Governu preve orsamentu por volta sen mil dollar amerikanu hodi realiza atividade ida ne’e, prepara husi loron 5-30 Agostu 2022 mak hanesan desportiva komunitaria,nebe mak realiza iha suku hotu-hotu, desprotu hanesan tebe bola, volleyball iha nivel suku iha teritoriu laran tomak.

Iha parte seluk mos realiza atividade hanesan seminariu hodi halo refleksaun ba loron konsulta popular nian, iha mos konsertu, no feira, marsa saudavel. Komisaun organizadora sei konvida exselensia Prezidenti Republika, Membru VIII Governu no mos siedade sira hotu atu mai partisipa iha atividade marsa saudavel refere.
Aumesmo tempo, Vise Ministru Justisa akompaña Ministru Administasaun Estatal hanesan Prezidenti Komisaun Organizadora ba loron aniversariu konsulta popular nian iha tinan 2022, hodi loke abertura ba jogu komunitariu primeiru, nebe jogador sira husi Postu Administrativu Cristo Rei vs vera Cruz, iha stadium Dili.

Relasiona Aniversariu Loron Konsulta Popular 30 de Agostu ne’e, ho nia espirito liu husi eventu refere “Bele Hametin Paz no Estabilidade ba Dezenvolvimentu iha Ita nia Rai Doben Timor Leste”.