Vice Ministru Justisa Ivo Valente, núdar mos Presidente BOARD ba organizasaun Nao Governamental ( NGO ) JSMP, ( Judicial System Monitoring Program ), Oficialmente Loke Seminário Nasional, ho topiku Protesaun Testemunha nebe participa husi, Estudantes Universitários iha Dili Laran, UNTL, UNDIL, UNPAZ, UNITAL, no sosiedade sívil.

Vice Ministru Justica, apresia e agradece partisipasaun husi oradores sira, hanesan Ministru Justisa, Procuradora Geral da República ( Representante, Dra. Ivonia Guterres ), Presidente Tribunal Recurso, representante husi amnestia Internasional ( Sr. Marek M ), Dekan Faculdade Direitos UNTL, director Eksekutif JSMP noo mos representante Advogado Timor – Leste ( AATL ).

Hanesan Prezidente BOARD, JSMP nian, Vice Ministru Justisa, realsa katak importansia husi Semenário Nasional idane maka, nudar mekanismu ida ba sa Estado de Direito Democratico Timor – Leste, bele hetan/simu informasaun sira husi fontes oin-oin, konaba implemantasaun lei protesaun testamunha, liu-liu husi partes hotu ( oradores ) importante atu rona mos orador Internasional husi Amnestia Internasional nian kona ba Normas/Padraun, pratikas Internasional nebe refere ba konvensaun Internasional.

Hein katak, partisipantes sira bele fo hanoin / ideias no sujestaun konstrutivas ba Implementasaun Lei no 2 / 2009, 6 de Maio kona ba protesaun testamunha.