VISE MINISTRU JUSTISA PARTISIPA ENKONTRU KOMISAUN INTERMINISTERIAL KONABA KABU SUBMARINU


Dili, 4/8/2022, Sua Exselensia Vise Ministru Justisa Dr. Jose Edmundo Caetano (Saka Timor) Partisipa Enkontru Interministeria Subkomisaun Kabu Submarinu Kinta-Feira Ne’e, Realiza iha Salaun MPO-Hudi Laran.

Enkontru ne’e, prezidi husi Prezidente Komisaun Vise Primeiru Ministru no Ministru Planeamentu I Ordenamentu Dr. Jose Maria dos Reis, prezensa mos membru komisaun interministerial hanesan Ministru Finansas Dr. Rui Augusto Gomes, Ministru Transportes I Telekominikasaun Sr. Jose Agostinho da Silva, Ministro Cordenador Asunto Ekonomikus Sr. Joaqium Amaral, Vise Ministru Justisa Dr. Jose Edmundo Caetano, Diretores Nasional no mos Asesores inklui Tekniku Superior sira.

Reuniaun ne’e nia objetivu aprezenta servisus nebe lao ona no aselera tan prosesu hirak nebe relevante i hare mos proposta balun nebe mak husi tekniku sira aprezenta. Konfirmasaun ba atribuisaun rai nebe husi ministeriu justisa. Vise Ministru Justisa relata iha enkontru ne’e iha tempu badak sei trata no entre atribuisoens rai ba komisaun nune’e kompanha sira bele komesa ona konstrusaun iha area refere.

Tan ne’e Ministeriu Justisa liu husi Terras Propriendades indentifika ona fatin ba projeitu kabu submarinu ne’e sei lokaliza iha tasi-ubun Bebonuk. No mos tekniku sira ba observa ona fatin refere no governu sei hala’o lansamentu ba projeitu kabu arteragen iha fulan oin.

Arcanjo Viana das Neves
Media Gabinete Vice Ministru Justisa