MINISTRU JUSTISA SIMU NO REUNIAUN HO CAMARA COMERCIO INDUSTRIA TIMOR-LESTE

Ministru Justisa Dr. Tiago Amaral Sarmento simu no reuniaun ho Prezidente Interinu Camara Comercio Industria Timor-Leste João Alves ho nia membru sira , iha knar fatin Ministériu Justisa, Kuarta (03/08).

Dili, MJ: Ministru Justisa Dr. Tiago A. Sarmento, simu no reuniaun ho Prezidente Interinu Camara Comercio e Industria Timor-Leste (CCI-TL), João Alves ho membru sira iha knar fatin Ministériu Justisa, Rua Colmera Dili.

Prezidente Interinu Camara Comercio Industria Timor-Leste, João Alves ho membru sira foto hamutuk ho Ministru Justisa Dr. Tiago Amaral sarmento hafoin reuniaun iha knar fatin Ministériu Justisa, Kuarta (03/08).

Iha reuniaun ne’ebé hala’o iha oras 3:00 Otl loraik, Prezidente Interinu CCI-TL ho ninia membru sira mai hodi deskuti kona-ba prosesu ba legalidade ba CCI-TL ne’ebé durante ne’e regulariza bazeia deit ba rezolusaun Governu nian. Nune’e CCI-TL husu apoiu Ministériu Justisa ninia hodi bele halo CCI-TL ninia estatuto.

Vise Prezidente CCITL, João Alves, Julio Fernandes, Rui Castro, Gabinete Ministru Justisa, Dili, Kinta (03/08).

Hafoin rona tia prekupasoens husi Prezidente Interinu CCI-TL, Ministru Justisa Dr. Tiago Amaral Sarmento konsidera katak maske CCI-TL ninia Estatuto regula deit ho rezulasaun Governu nian, maibe iha pezu vinkulativu hodi bele regula CCI-TL, tanba publika ona iha Jornal da Republika Timor-Leste.

No Ministru Justisa husu mós ba CCI-TL ho ninia konsultan atu oinsa bele prepara sira ninia draft ba estatutu CCI-TL nian, no koordena ho Diresaun Nasionál Assesoria Jurídiku no Lejizlasaun (DNAJL) Ministériu Justisa nian hodi bele fó hanoin ruma em relasaun ho Estatutu refere.
Ou bele mós CCI-TL prepara draft ruma, hafoin submete mai iha Ministériu Justisa nune’e, Diresaun Nasionál Assesoria Jurídika no Lejizlasaun (DNAJL) bele hare e halo diskusaun hodi bele finaliza.

03 Agostu 2022
#Media_Gabinete_MJ