Ministru Justisa Reuniaun ho Diretor Tasi Mane husi Timor GAP, Francisco Ferreira, iha knar fatin Ministériu Justisa, Rua Colmera, Dili, Tersa (02/08).

Dili, MJ: Tersa-feira (02/08) semana ne'e, Ministru Justisa Dr. Tiago Amaral Sarmento reuniaun ho Diretor Tasi Mane husi Timor GAP, iha Knar Fatin Ministériu Justisa, Rua Colmera, Dili.

Iha reuniaun ekipa husi Timor GAP atualiza ba Ministru Justisa kona-ba progresu ba levantamentu terrenu ka rai iha Beacu Viqueque, ne'ebé hahu iha fulan Juñu liuba, ne'ebé atinji ona 25%, maibé tanba udan nune'e Timor GAP retira hikas ekipa husi Beacu, Viqueque.

Ministru Justisa Dr. Tiago A. Sarmento reuniaun ho Diretor Tasi Mane husi Timor GAP, Francisco Ferreira, iha knar fatin Ministériu Justisa, Rua Colmera - Dili, Tersa (02/08).

Nune'e, ekipa Timor GAP mai fila-fali hasoru Ministru Justisa hodi halo koordensaun atu oinsa bele kontinua prosesu levantamentu ba terrenu iha Beacu, Viqueque.

Ministru Justisa Dr. Tiago Amaral Sarmento husu ba Empreza Estatal Timor GAP atu submete pedidu eskrita mai Ministériu Justisa, nune'e Ministru Justisa bele halo despaixa ba Diresaun Jeral Terras e Propriedades no Servisu Cadastrus Ministériu Justisa ho ekipa Timor GAP hodi bele kontinua e finaliza prosesu levantamentu ne'ebé tuir planu bele remata iha semana rua nia laran.

02 Agostu 2022
#Media_Gabinete_MJ