Ministru Justisa Dr. Tiago Amaral Sarmeto, akompaña husi Assesor Administrasaun Dr. Tomas M. Correia reuniuan ho reprezentante husi SERVE hodi koalia kona-ba pedidu apoiu husi Notariu ba SERVE, Segunda (11/07), Ministériu Justisa, Rua Colmera, Dili.

Dili, MJ: Ministru Justisa Dr. Tiago Amaral Sarmento simu no reuniaun ho reprezentante husi SERVE, I.P, Segunda-feira (11/07) loraik ne'e iha knar fatin Ministériu Justisa, Rua Colmera, Dili.
Iha reuniaun, reprezentante SERVE esplika kona-ba pedidu ba apoiu husi Notariadu Ministériu Justisa ba notariu husi SERVE nian no kona-ba Terrenu ba konstrusaun edifisiu SERVE iha munisípiu 13, iha Timor laran tomak.

Hatan ba preukupasoens SERVE nian ne'e, Ministru Justisa Dr. Tiago Amaral Sarmento esplika katak; kona-ba terrenu ba haríi edifisu SERVE iha munisípiu sira, Ministru Justisa husu parte SERVE atu koordena ho Diresaun Terras Munisípiu hodi identifika terrenu iha munisípiu 13, hafoin submete pedidu dala ida deit mai Ministériu Justisa, nune'e Ministru Justisa bele hare hodi atribui ba SERVE.

Ministru Justisa Dr. Tiago Amaral Sarmento reuniaun ho reprezentante SERVE iha Gabinete Ministru Justisa, Segunda (11/07).

Kona-ba apoiu Notariadu nian ba SERVE, Ministru Justisa husu ba parte SERVE atu submete fali pedidu mai iha Ministériu Justisa atu Ministru Justisa bele hare hodi koordena ho Diresaun Jeral Rejistu Notariadu ba asuntu refere.
Aleinde ne'e Ministru Justisa mós hateten reprezentante SERVE nian katak, Ministru Justisa hakarak atu hasoru Diretor Ezekutivu SERVE hodi deskuti asuntu importante balun.

11 Jullu 2022