Dili, loron 27 fulan Juñu tinan 2022 Direção Geral Dos Serviços De Registos E Notariado Através Direção Nacional Identificação Civil Registo Criminal halo atendimentu registu movel ba membrus Assosiasaun Halibur Difisiensia Matan Timor-Leste (AHDMTL) iha Manleuana Dili, no aktividade refere hodi kumpri ba Ordem servisu Diretor Geral SRN ho nú.75/MJ-DGSRN/VI/2022 ne’ebe instrui ba funsionários husi Direção Nacional Identificação Civil Registo Criminal atu estabelese ekipa task force hodi halo atendimentu registo sertidaun moris no emisaun kartaun Bilhete Identidade (BI) ba maluk difisiensia sira hodi responde ba pedidu ne’ebe hato’o husi Assosiasaun Halibur Difisiensia Matan Timor-Leste (AHDMTL) mai iha Direção Geral dos Serviços de Registos e Notariado (DGSRN).

Iha bibain hanesan ekipa tékniku husi DGSRN através DNICRC durante halo atendimentu registu sertidaun moris no emite Bilhe Identidade (BI) bazeia ba pedidu ne’ebe hato’o husi Assosiasaun Halibur Difisiensia Matan Timor-Leste (AHDMTL) ba maluk difisiensia sira ho total 27 pessoas, ekipa tékniku DGSRN através DNICRC konsege halo hotu registu hanesan registu foun ba sertidaun moris hamutuk 8 pessoas no ratifika hamutuk 2 pessoas,no iha emisaun Bilhete Identidade hasai foun hamutuk 5 pessoas no renovasaun hamutuk 13 pessoas.

No iha biban hanesan ekipa tékniku husi DGSRN através DNICRC mos identifika katak husi númeru ne’ebe temi iha pedidu maioria husi maluk difisiensia sira iha Assosiasaun Halibur Difiseinsia Matan Timor-Leste (AHDMTL) barak mak seidauk iha dokumentus base hanesan Sertidaun Moris no Bilhe Identidade (BI) ho nune’e ekipa tékniku ho esforsu halo hotu registu ba maluk difisiensia sira no tuir informasaun hirak ne’ebe akresenta husi Diretor ba Asosiasaun Halibur Difiseinsia Matan Timor-Leste (AHDMTL) katak barak mak seidauk iha sertidaun moris no Bilhete Identidade.

No Diretor ba Assosiasaun Halibur Difisiensia Matan Timor-Leste (AHDMTL) mos lahaluhan hato’o agradesimentu ba Ministério da Justisa através Direção Geral dos Serviços de Registos e Notariado (DGSRN) tamba bele ona responde ba Assosiasaun nia pedidu no hakat mai iha Assosiasaun Halibur Difiseinsia Matan Timor-Leste (AHDMTL) hodi fo atendimentu ho tipu espesial ba maluk ho difisiensia sira, no sei nafatin husu tulun ba Direção Geral dos Serviços de Registos e Notariado (DGSRN) através pedidu atu nune’e bele nafatin fo atendimentu registu sertidaun moris no Bilhete Identidade ba maluk difisiensia sira iha Assosiasaun Halibur Difiseinsia Matan Timor-Leste (AHDMTL) iha territoriu Timor-Leste.

No parte tékniku DGSRN mos kompremetidu atu fo nafatin atendimentu ba maluk difisiensia sira husi Assosiasaun Halibur Difisiensia Matan Timor-Leste (AHDMTL) no Assosiasaun Difiseinsia sira seluk bain hira hato’o pedidu mai iha Direção Geral dos Serviços de Registos e Notariado (DGSRN) hodi halo atendimentu registu sertidaun moris no Bilhete Identidade.

Ofisial Media DGSRN