VISE MINISTRU JUSTISA REALIZA FAHE INFORMASAUN LEI BA DADUR SIRA IHA ESTABELESIMENTU PRIZIONAL


Covalima, 16/6/2022, Vise Ministru Justisa Dr. José Edmundo Caetano (Saka Timor) Fahe Informasaun Lei ba Ema-Dadur sira, Kinta-feira ne’e Realiza iha Salaun Prizaun Covalima.
Eventu ne’e, abertura husi exselensia Vise Ministru Justisa Dr. Jose Edmundo Caetano, akompaña husi Chefe Gabinete Vise Ministru Justisa Dra. Maria Inês A. dos Santos no Asesor legal Dr. Bernado Soares ho ekipa, no partisipa husi guarda prizional, dadur 30 pessoas ne’ebe eskoila husi guarda prizionais sira iha estabelesimentu prizional suai.

Iha intervensaun ba badak husi vise ministru justisa katak realiza programa ida ne’e ho nia objetivu atu fo konesimentu ba ema dadur sira iha prizaun, kona ba sira nia pozisaun juridika, direitu no dever liga mos ba paktu internasional konaba direitu sivil no politika, i liga mos ba regime abertu tuir dekretu lei no.14/2014, 14 maiu (Rejime Ezekusaun Penal).

Vise Ministru salienta liu tan, ema kriatura ida la sees husi sala no la espera, tan ne’e moris nudar ema sala nain no kompri nia sala iha fatin klot nebe hanaran odamatan besi, liu husi desizaun tribunal no hatuir lei kodegu penal nebe vigora iha ita nia rai. Programa ne’e ho tema “Hamutuk Hakbiit Direitu Moris Nian iha Prizaun” liu husi programa ne’e senti katak maske nudar sala nain lakon moris Liberdade iha sosiedade maibe iha direitu atu hetan informasaun husi nia estadu.

Durante aprezentasaun, iha mos sesaun husu no hatan, dadur sira mos hato’o sira nia prekupasaun no sira mos kontenti ho realizasaun programa ne’e, no sujere nafatin atu programa ne’e la’o nafatin hodi fahe informasaun konaba direitu no dever ba dadur sira iha prizaun, hodi ema hotu senti no asesu ba justisa. Durante ne’e dadur sira trista no senti lakon buat hotu kona ba moris nian.

Arcanjo Viana das Neves
Media Gabinete Vice Ministru Justisa