Eis Ministra Justisa, Dra. Lúcia Maria Brandão Freitas Lobato iha loron 8, fulan-Agostu, tinan 2012 Kalan Entrega Servisu Ministeriu nian ba Ministru Justisa foun, Dr. Deonísio Babo.

Depois de hetan tomanda de posse iha Palasiu Nobre Lahane, Ministra Sesante, Lúcia Lobato akompañia Ministru Justisa foun Deonisio Babo to’o edifisiu ministériu justisa Kaikoli Dili oras 8:00 kalan.

Termu entrega hosi Ministra sesante ba ministru foun halao iha Gabinete Ministeriu Justisa liu hosi asina karta termu entrega nune’e mós simbolikamente Ministra sesante entrega livru kona-ba planu estratejiku seitor justisa nian ba Ministru foun Justisa nian, Dr. Deonisio Babo.

Antes ne’e Eis Ministra, Lúcia Lobato husu ba Ministru Justisa atu bele kontinua hala’o servisu ministeriu nian tuir planu ne’ebé iha ona, nune’e nia mós husu ministru foun atu tau importansia ba planu estratejiku seitór justisa nian.

Nune’e Ministra sesante akumpaña Ministru foun ba sala reunion ministeriu nian hodi fó koñese mós diretores sira ba ministru foun, hodi hala’o reuniaun internu entre ministru ho diretór sira.

Iha reuniaun ne’ebé marka mós prezensa hosi Vise Ministru Justisa, Ivo Valente ne’e, ministru justisa hateten, kintu governu konstitusional mai ho nia metta 3H (Hatutan, Hametin no Hadia-red).

Iha sorin seluk Ministru Justisa ne’e mós hato’o agradesementu ba ministra sesante ho diretor sira, tanba ho sira nia esforsu tomak mak mak bele kria planu estratejiku seitor justisa nian ho diak no susesu.

Atu bele kompleta no hatutan servisu ministeriu justisa nian iha futuru Ministru husu ba diretor sira hodi aprezenta sira nia planu ba servisu loron atus-ida nian.

PROCESSU GOVERNASAUN MJ 2007-2012

• Download Versaun Tetun
• Download Versaun Portugues

Ananias babo Horta
Media officer