Ministerio da Justiça simu vizita husi UNCAC ne’ebe membrus mai husi Fiji, Namibia no Viena hamutuk CAC haodi hasoru malu Vise Ministro da Justiça iha dia 23 de Maio 2012 iha Edifisiu Ministerio da Justiça

Husi vizita delegasaun ne’e akompanha husi Adjuntu CAC Jose Neves (Sama La Rua) Husi Minsiterio da Justiça ne’ebe partisipa Se. Vise Ministro da Justiça, Director Geral, Sub Inspector no Director DNDHC.

Husi vizita ne’e hodi hala’o misaun avaliasaun nian kona ba implementasaun ba kombate korupsaun nian liu husi asaun prevensaun no indika ba Ministerio Publiku no CAC hodi prosesa ba kazu mal administrasaun, korupsaun no abuzu poder hodi aplika tuir kodigo penal nian ne’ebe vigor iha Timor Leste.

Koalia mos kona ba Lei protesaun sasin nian (Lei no 02/2009, kona ba implementasaun ba lei nebe’e refere, liu-liu ba Komisaun ba Programa Espesial Seguransa nian, Plano atu hari’i Komisaun nebe’e refere sei inklui iha Setór Justisa Planu Estratéjiku ba Timor-Leste 2011-2030.

Assunto ida fali nebe’e misaun atu haree ba maka kooperasaun em géral hosi MJ no mós entitades sira seluk nebe’e involve iha area nebe’e relevante ba UNCAC No mós kooperasaun entre MJ no Ministério Publico iha area balun ne’e nebe’e relevante ba UNCAC

Karik misaun iha mós preokupasaun kona ba asistênsia teknika nebe’e TL sei presiza atu TL bele kumpri ho nia obrigasaun sira hosi UNCAC.

Hanesan ezemplo, karik TL sei presiza implementa lei balun; karik mós presiza asistênsia hosi expert ruma iha area nebe’e relevante ba UNCAC.

Husi dialog ida ne’e ekipa delgasaun husu perguntas lubuk ida ba iha S.E Vise Ministro da Justiça no hetan resposta ne’ebe diak no adekuadu tuir politika no lejislasaun Timor Leste nian inklui mos planu ne’ebe sei implmenta iha futuru mai hodi kombate korupsaun iha Timor Leste.