GOVERNU Timor Leste, liu hosi Diresaun Nasional Registu do Notariado (DNRN) Segunda, (21/2) foin lalais ne’e lansa kampaña nasional ba rejistu moris nian ba labarik hosi 0 to’o tinan 5 iha Salaun Enkontru Sentru Formasaun Júridika Caicoli Dili.

Kampanye rejistu moris nian ne’ebé simbolikamente entrega dokumentus hosi Vice Primeiru Ministru Jose Luis Guterres no Ministra Justisa Lúcia Lobnato, ba Xefi Suco Bairo Pite.

Iha kampaña nasional ne’e Ministra Justisa Lúcia Maria Brandão Freitas Lobato hateten, prosesu halo rejistu ba labarik lalos foin hahú maibé, komesa ona iha 2003. Tanba durante ne’e prosesu lao ladun diak, mak hodi muda atu oinsa iha futuru mai bele halo rejistu ba labarik ho diak.

Nune’e mak hodi halo komapañe nasional ba rejistu labarik nian hanesan forma ida atu bele sensebliza diak liutan no bele halao lais liu tan rejistu ba labarik sira.

Tuir Ministra Governu ne’e mos prepara noa intrumentu legais lobuk ida ba labarik sira, nune’e bele regula sira e halo mos lei ba labarik sira.

Ministra realsa mos katak, tuir dadus ne’ebé funsionariu MJ nian foti iha dadus konaba rejistu labarik sira ne’ebé foin moris iha tinan hirak liubá katak iha semana tolu nia laran bele halo rejistu ba labarik foin moris 500, ne’e iha Hospital Nasional Guido Valadares nian deit seidauk inklui mos klinika no hospital sira seluk.

Ministra hateten, Importante atu rejistu bebe sira tanba, ho ida ne’e mak sir abele hetan identidade hanesan timor oan nune’e mos ba future labarik sira nian.

Iha fatin hanesan antes hala’o lansamentu Vice Primeiru Ministru Jose Luis Guterres hateten, kampa`na nasional ba rejistu labarik ne’e hanesan parte importante ida ba povu tomak iha timor laran.

Ihalansamentu Kampaña nasional ne’ebé hetan mos partisipasaun hosi Minstru ESTATAL, Vice Ministra Saude, Vice Ministru Justisa no Komisaria Labarik nian ne’e, Reprejentante UNICEF iha Timor Leste, Jun Kukita hateten, rejistrasaun ba labarik importante atu pronese ba labarik sira nia prova identidade no garante katak, labarik sira inskreve iha eskola sira ho tinan lolos.

Nune’e bele asegura mos katak, governu bele halo planu ba asistensia social baziku hanesan eskola sira, sistensia saude sira ba labarik ida-idak. Ho rejistu moris bele mos proteje labarik sira husi adopsaun illegal, traballador infantile, trafiku no kastigu la tuir lei no detensaun, dehan Kukita.*

Ananias Babo Horta
Media Officer Ministeriu Justisa