MINISTERIO Justisa, Lúcia Brandao Lobato husu ba Parlamentu Nasionál atu aprova lalais lei ba rai ne’ebé enrega ona ba Orgaun Legislativu ne’e atu halao diskusaun no aprova atu nune’e ajuda redús konflitu iha Timor-Leste.

Koalia iha Dialogu Konsensus Nasional ne’ebe mak Paralamentu Nasional organiza semana kotuk iha salaun Konferensia Ministerio dos Negocios Estrangeiros iha Dili, Governante hateten tan katak “ ema hotu tenki moris iha lei nia okos nune’e tribunál bele sai hanesan fatin ikus ba hakotu problema liu hosi foti desizaun ba se mak lós no sala”.

Ministra ne’ebe kaer pasta ba Justisa iha Timor-Leste realsa, liu hosi levantamentu dadaus iha Servisus Cadetrais iha Terras Propriedade rejista ona 25.000 parselas, ne’e signifika katak, bainhira Parlamentu Nasional aprova ona lei ba rai prosesu hotu sei lao normal liu hosi apoiu baze ba dadus ne’ebe mak Servisos kadestrais prepara dadaun.

Iha dialogu Konsensus Nasional Nasional ne’ebe loke hosi PR. José Ramos Horta koalia liu oinsa atu hala’o lia lós, justisa no rekonsiliasaun iha TL hetan partisipasaun máximu hosi Lideres hosi Partidus Politikus, Membru Governu, ONG Nasionais, Internasionais, Representantis hosi Korpus Diplomatikus nst.

Ananias Babo Horta
Media Officer Ministeiru Justisa