Pontu Fokál Pré-Deskonsentrasaun Administrativa (PDA-MJ) António Verdial de Sousa, partisipa iha sorumutuk kona-ba Levantamentu Estruturas Munisipais ne’ebé realiza husi Gabinete Diretór Jerál Ministériu Justisa iha Sentru Formasaun Jurídika (CFJ) Caicoli Dili, iha loron Segunda-Feira 11 fulan Maiu tinan 2015.

Pontu Fokál ne’e mós nu’udar membru ba ekipa Levantamentu Estruturas Munisipais hó objetivu atu identifika funsionárius Ministériu Justisa hodi prepara-an atu asegura polítika governu iha andamentu.

Atividade ne’e realiza bazeia ba knar legál Despaxu Ministru hó Ref. Nú. 09/GM-MJ/III/2015 loron 31 fulan Marsu tinan 2015.

Diretór Jerál Ministériu Justisa, Dr. Henrique de Oliveira Ximenes, iha sorumutuk ne’e hateten,” atividade ne’e ho objetivu atu identifika forsa rekursu umanu Ministériu Justisa hodi prepara-an atu asegura Polítika Governu kona-ba Pré-Deskonsentrasaun Administrativa ho Zona Ekonomia Ezkluzivu Merkadu Sosiál iha Ambeno Oe-Kusi.”

Iha biban ne’e Diretór Jerál, hamutuk hó membrus ekipa ne’ebe hotu hó laran luak no seriedade rona hó hakmatek aprezentasaun ne’ebe hato’o husi Tékniku Superior Diresauan Nasionál Administrasaun no Finansas Ministériu Justisa (DNAF-MJ), Dr. Salvador da C. Fernandes, no orienta diretamentu husi Diretór Jerál ba membru tomak rona mós apresiasaun no sujestoens konstrutivas hodi bele kompleta hanoin atu nune’e iha futuru hamosu konkluzaun favorábel no ikus mai sei prepara relatóriu hodi hato’o ba superior hierarkiku Ministériu Justisa, hodi tau matan no hola desizaun.