DILI, PARLAMENTU NASIONAL – Kinta-Feira, loron 07 fulan-Maiu 2015, tuku 03:00 lokoraik, S.E. Ministru Justisa Ivo Valente halo audiénsia ho Komisaun A Parlamentu Nasionál ne’ebé mak trata assuntu Constitucionais, Justiça, Administração Pública, Poder Local e Anti-Corrupção iha Salaun Konferénsia Komisaun A, Parlamentu Nasionál.

Iha audiénsia ne’e; Ministru Justisa akompaña hosi Xéfi Departementu Lejislasaun Ministériu Justisa Pascoal da Costa, Assesor Nasionál José Edmundo Caetano no Assesora Internasionál Patricia hasoru malu ho Membru Komisaun A Parlamentu Nasionál, ne’ebé mak lidera hosi Presidente Komisaun A Carmelita Caetano Moniz no akompaña hosi membru deputados nain-hat (4) mak hanesan; Deputadu Aniceto Guterres Lopes, Deputadu Joaquim dos Santos, Deputadu Francisco da Costa no Deputada Aurora Ximenes.

Audiénsia Ministériu Justisa ho Membru Deputados Komisaun A hodi koa’lia no diskute Proposta de Lei Terceira Alteração á Lei No. 11/2008, de 30 de Julho sobre Regime Jurídico da Advocacia Privada e da Formação dos Advogados.

Audiénsia ba proposta alterasaun Lei No. 11/2008 ne’e foka liubá iha artigu 61 to’o 68 ne’ebé mak relasaun ho organização do poder político, titularidade e exercício do poder político, participação política dos cidadãos, princípio da renovação, órgãos de soberania, incompatibilidades; informa Ministru Justisa Ivo Valente.

Ministru Justisa haktuir tán katak, proposta-lei ne’e regula ba alterasaun rejime advogadu privada, no formasaun advogadu sira, hanesan proposta lei foun ba advogadu sira nian ne’ebé mak aprova ona iha Konsellu Ministru iha loron 28 fulan-Abril 2015 kona-ba Kriasaun Ordem ba Advogados Privada iha Timor-Leste.

Audiénsia ne’e termina iha tuku 05:00 lokoraik oras Timor-Leste.