DILI, PARLAMENTU NASIONÁL – Kinta-Feira, loron 07 fulan-Maiu 2015, tuku 09:00 – 11:00 dadersan, Ministru Justisa Ivo Valente ho Ministra Solidaredade Sosiál Isabel Guterres halo audiénsia ho Komisaun F Parlamentu Nasionál asuntu Saúde, Edukasaun no Kultura, Veteranus no Igualdade Jenéru iha Salaun Konferénsia Parlamentu Nasionál.

Iha audiénsia ne’e, partisipa membru Komisaun F Parlamentu Nasionál ne’ebé lidera hosi Vise-Presidente Komisaun F, Eduardo de Jesus Barreto no akompaña hosi membru deputados nain-hat (4) mak hanesan; Deputada Bendita Moniz Magno, Deputada Domingas Alves da Silva "Bilou", Deputada Ilda Maria da Conceição, Deputadu Eládio Antonio Fakultu de Jesus.

Ministru Justisa Ivo Valente informa katak, audiénsia ho Komisaun F Parlamentu Nasionál ne’e hodi diskute kona-ba Proposta de Lei Recenseamento Geral da População e da Habitação, liu-liu artigu 13 e 14 iha relasaun ho ilícitos contra-ordenacionais no ilícito penal.

Proposta de lei ne’e regula atividade ba servisu sensus nian, hanesan artigu 3 esplika ona kona-ba periódu hala’o sensus, ne’ebé sensus atu realiza iha tinan 2015 ne’e, no mai tán sei realiza iha tinan 2020, signifika katak sensus sei halo tinan 5 dala ida; hateten Ministru Justisa.

Audiénsia no diskusaun ne’e termina iha tuku 11:00 meudia.