CAILACO-Sekretáriu Estadu Terras Propriedades (SETP) Jaime Xavier Lopes iha loron 8 fulan-Abril 2015 foin lalais ne’e hala’o senseblizasaun iha Postu Cailaco Municipiu Bobonaro.

Iha senseblizasaun ba komunidade sira hosi suco 8 hosi postu admnistrativu Cailaco ne’e, SETP husu ba komunidade bainhira mosu problema ruma kona-ba rai tenki buka tuur hamutuk hodi bele rezolve ho ulun malirin. Tanba bainhira iha problema tenki buka nia solusaun hodi bele rezolve.

Jaime hateten, hateten problema rai ne’ebé akontese iha Timór-Leste la hanesan ho nasaun sira seluk tanba TL antes ne’e iha nasaun rua maka halo invazaun hodi hosik hela problema kona-ba rai.

Nune’e iha biban nee nia ko’alia mós kona-ba artigu 54, 58 no artigu 141 konstituisaun RDTL no lei nú.1/2003, dekretu lei nú.19/2004 no Lei nú.12/2005.

Iha biban ne’e Jaime mós apresia ho lideransa komunitária inklui mós autoridade local Cailaco nian ne’ebé maka iha intrese maka’as hodi bele rezolve problema rai entre komunidade sira nian.

Jaime hateten, rai ne’ebé maka uluk komunidade sira entrega ona ba iha estadu hodi hala’o administrasaun publiku estadu nian komunidade sira labele reklama fali tanba ne’e estadu konsidera hanesan patrimoniu estadu no estadu sei la fo fila rai ne’e ba komunidade.

Iha Senseblizasaun ne’ebé hetan mós partisipasaun hosi parte seguransa no autoridade lokaál inklui mós lideransa komunitária no komunidade sira ne’e Administradór Postu Administrativu Cailaco, Alfredo Moniz da Costa hateten, senseblizasaun ne’ebé maka hala’o dadaun iha Cailaco ne’e importante tebes ba suku 8 ho nia aldeia 24 ne’ebé maka iha.

Tuir Alfredo durante ne’e problema ne’ebé akontese maka hanesan problema rai entre individu ho indovidu nune’e més entre individu ho estadu.

Nia hateten durante nee akontese problema rai iha Cailaco nunka foti desizaun tuir hakarak maibé sira sempre liu hosi mediasaun.

Bainhira liu hosi medisaun autoridade lokál sira nian la bele rezolve sira relata mós problema ne’e ba iha diresaun Terras Propriedades Munisipiu nian.

Hanesan uma-nain Xefe suku Purugoa, Albretinho Maulaca hateten, husu ba komunidade sira ne’ebé maka partisipa iha senseblizasaun ne’e atu bele hatutan informasaun ne’ebé maka sira hatene ba iha komnidade sira ne’ebé maka iha biban ne’e la prtisipa.

Hanesan komunidade, Alexandre Brito da Costa hateten, oinsa ho rai sosiedade ne’ebé maka uluk povu Cailaco uza hosi halo to’os, rai ne’e nia nain ba se loos, ba estadu ka ba komunidade sira no oinsa kona-ba rai ne’ebé iha ona sertifikkadu rai nain ona maibé sira muda baliza ba mai, ne’e oinsa maka atu bele rezolve.*