Iha semana rua liubá,Ministériu Justisa (MJ) aprezenta ona esbosu Lei Rai ba Konsellu Minisrtu (KM).

”Kona-ba Lei Rai ne’e, esbosu ka projecto de lei ami enkamiña ona ba iha Konsellu Ministru, depois mak KM tau iha ájenda hodi halo diskusaun para haruka mai iha Parlamentu Nasional.

Espera lei ne’e sei aprova iha tinan ida ne’e nia laran,”hateten Ministru Justisa Ivo Valente ba Jornalista-sira iha Parlamentu Nasionál.

Ministeriu Justisa mós haruka esbosu lei balun tan mak Governu hanoin urjente ba Estadu,hanesan esbosu Lei Trafego Umanus, Lei Ordem Advogados,Lei Droga no Lei Organizasaun Judisiária.

“Esbosu lei sira ne’e ami hanoin katak, presiza lalais atu ita aprova hodi nune’e bele kombate krime sira, hanesan mós problema rai ne’ebé mak sempre akontese bei-beik,”hateten Ivo Valente.

Fonte: Diario Nacional, loron 26 Marsu 2015. (may)