Diresaun Nasionál Direitus Umanus no Sidadania (DNDHC) Ministériu Justisa hetan apoiu asistensia tékniku husi USAID hodi halao programa peskiza kona-ba asesu ba justisa. Programa pilotu peskiza dahuluk halao iha postu Administrasaun Atabae Munisipiu Bobonaro iha loron 20 fulan Fevereiru tinan 2015.
Métodu ba programa pilotu peskiza ne’e, ba dahuluk ekipa halo koordenasaun ho Administradór Postu Administrasaun hodi organiza komunidade ne’ebé tinan kotuk tuir ona programa divulgasaun ne’ebé Ministériu Justisa hato’o ba komunidade sira iha área ne’eba. Daruak ekipa peskiza koloka komunidade sira ne’ebé atu fo informasaun ne’e, ba grupu tolu, grupu dahuluk konsiste husi ema nain 8 halo grupu diskusaun tuir fali ema nain 8 prienxe kuesionáriu no ema nain 4 prienxe kuesionáriu maibe sira nunka tuir ka partisipa iha programa divulgasaun no programa asesu ba justisa, hamutuk paratisipante nain 20 mak sai alvu ba programa pilotu peskiza ne’e.

Matéria sira ne’ebé sai nu’udar kuesionáriu mak lei sira ne’ebé Ministériu Justisa inklui autór judísiariu sira explika ba komunidade iha programa divulgasaun iha terrenu.
Peskiza ne’e halao hodi hatene kuñesementu komunidade kona-ba lei sira ne’ebé Ministériu Justisa sosializa iha teritoria tomak inklui postu Administrativu Atabae, Munisipiu Bobonaro.
Ekipa husi Minsitériu Justisa, Xefe departamentu Divulgasaun, Xefe departamentu Monitorizasaun, Xefe departamentu Administrasaun no Ofisiál Relasaun Públika, no ekipa husi USAID BA DISTRITU, peritu peskizadór, AleJandra no Maria Veronica.
João Maupelo da Costa
ORP