Dili, Ministru Justisa Ivo Valente, afirma ba kargu xefia sira iha Ministeriu Justisa atu servisu ho dinamismu no responsabilidade. Importante liu, presiza lealidade ho transperensia. Ministru Justisa Ivo Valente, afirma lia hirak nee iha nia lia meno wainhira fo tomada de posse ba kargu xefia iha salaun centru formasaun juridika, kaikoli, loron kinta 19-02-2015.

Ministru Justisa ho Komisaun ho Funsaun Publika (KFP), fo posse ba kargu xefia nain lima, kompostu husi Hendrique de Oliveira nudar Direktur Jeral Ministru Justisa, Lucas da costa, Inspektur Jeral Ministeriu Justisa, Cristovão da Costa Neto, Direktur Nasional Finansas, Celito Cardozu, Direktur Nasional Sidadania no mos Antonio Fatima, Sub-Inspektur Jeral.

“Hanesan responsabel politiku iha MJ aktu ofesial ida ne ̏e nia sentidu katak fo legalidade atu iha atua ho responsabilidade. Nudar responsabel iha politiku ami hein ita bot sira ne ̏ebe mak simu posse nia matenek, kontribuisaun, dedikasaun, dezempeenhu atu melhora ita nia servisu iha Ministeriu nia laran,” afirma Ivo Valente.

Nia fiar katak, nain liman nebe mak Governu fo fiar hodi kaer kargu xefia nee sei servisu diak liu, tamba sira iha esperensia ne ̏ebe diak tebes hodi defende interese Estado nian.

Iha fatin hanesan, Presidente KFP, Liborio Pereira dehan katak, tuir lei numeru 7 mak hanesan dalan ne ̏ebe utilize hodi solesiona sira ne ̏ebe merese duni priense kriterius atu assume kargu xefia. Iha nomeasaun ida nee avaliasaun nebe Ministeriu rasik halo konfirma ho rekomendasaun Ministeriu nian ba komisaun funsaun publika atu eleitu despaisu de nomeasaun ba prazu tinan ida.

Hau hakarak aproveita oportunidade ida nee esplika didiak ba sentidu atu assume kargu serbisu nian, nudar direktur jeral, inspektur no mos direktores nasionais, kargu diresaun xefia iha funsaun publika sei iha sorin ida hetan fasilidade, poderes, kompetensia ho autonomia atu halo desizaun iha serbisu ka lalaok administrasaun publika nian.

Iha sorin seluk hanesan responsabilidade bot ida, tamba direktores no mos inspektur sira tenkefoti desizaun ho autonomia tomak, katak desizaun ne ̏ebe mak foti nia duni mak tenke responsabiliza,”dehan Liborio Pereira.

Presidente KFP husu ba hirak nebe simu posse tenke kúmpri duni regras funsaun publika nian, instrusaun no kúmpri misaun ne ̏ebe Ministeriu simu, li-liu programa ne ̏ebe mak define ona tuir lei organika IV Governu konstitusional nian.

Hola parte iha seremonia tomada de posse nee, Sekretario Estado do Ministeriu Justisa, Jaime Xavier, Direktur Polisia Cientifiku Investigasaun Kriminal (PCIK), Hermenegildu, Diretor Prizaun Helder M.Belo, Defensoria Publiku, Sergio Hornai, Komisaria Komisaun Nasional Direitus Labarik (KNDL), Maria Bareto no mos funsionarius publiku Ministeriu Justisa nian.