Dili, Vise Ministru Justisa Ivo Valente, oras 15:30 /loron, 03 – 02 – 2015 iha sala reuniaun Ministeriu Justisa, sorumutu servisu Diretor Comisaun Nasional Aprovizionamentu / C.N.A. nebe reprezenta hosi Chefi koordenador Sr. Hermingardo Soares, ho konsultor Internaional nain 2 , Sr.Rolito Rillo,ho Sra. Evelyn M, de Ramos.

Sorumutu ba servisu neé diskuti konaba assunto projecto bot hosi Ministeriu Justisa nian nebe halao hela prosesu ba aprovizionamentu iha C.N.A. entre balu maka, prosesu ba hahu konstrusaun edifisiu foun Polisia Investigasaun Kriminal, ( PSIK), Konstrusaun ba Supremu Tribunal ba Justisa, no assunto passaporte elektroniku / (E-Chip Passport ).

Hahu ho abertura husi Vise Ministru Justisa Ivo Valente, informa konaba kompetensia ninian iha area administrasaun nudar responsavel ba assuntos interno Ministeriu nian.

Hafoin nune, tuir Vise Ministru Justisa Ivo Valente nia explika no husu ba C.N.A. atu hamutuk ho dirasaun Registu Notariadu, buka fo apoiu konsultor tekniku ( Independente ), ida atu bele halao avaliasaun tekniku ba servisu iha C.N.A. hodi prosesa avaliasaun ba prosesu E-Pasport. Nunee, mos preparasaun ba hahu konstrusaun edifisiu rua nebe halao ona nia prosesu aprovizionamentu, tamba perzisa prepara dokumentus ba CAFI / Conselho administrasaun ba Grandes projectos hodi inicia prosesu konstrusaun iha tinan ida nee.

Molok atu termina ka ramata sorumutu ne, hetan konkluzaun katak, Ministeriu Justisa sei fo apoiu ba tekniku ida nebe destaka iha C.N.A. pelu menus fulan 2 hodi halao servisu preparasaun teknika ba prosesu passaporte elektronik.

Dirigente Ministeriu Justisa nebe tutela ba assunto administrasaun ne, husu ba C.N.A. atu iha linha koordenasaun diak ho Dirasaun Registu Notariadu Ministeriu Justisa hodi asselera prosesu ba emisaun passaporte ho standar / ka padraun Internasional.