Diretór Nasionál Adminstrasaun no Finansas (DNAF) - Ministériu Justisa (MJ) konvoka reuniaun dahuluk tinan 2015 nian ho Xefe Departamentu sira iha Sesta-feira, loron-16 fulan-Janeiru 2015, tuku 09:30, iha Sala Reuniun Ministériu Justisa.

Partisipa iha soru-mutu refere, maka hanesan , Diretór DNAF Crisogno da Costa Neto, Xefe Dept. ARH Salvador da Costa Fernandes, Xefe Dept. Finansas Carmen Fátima Moniz Soares, Xefe Dept. Aprovizionamentu Octávia Celeste de Sousa Soares, Xefe Dept. Planeamentu no Orsamentu Isolino Marques, Xefe Dept. TI Gaspar de Araújo, Xefe Dept. Lojístika Nelinha de Deus Soares

Ajenda ba soru-mutu ne’e maka hanesan tuir mai nee 1- Orientasaun servisu tuir DNAF nia PAA 2015, 2- Diskuti Esbosu Manuál Reuniaun DNAF nian.

Ba dahuluk Diretór DNAF halo abertura hodi diriji no esplika kona-ba objetivu husi enkontru refere. Enkontru ne’e nia objetivu maka atu sharing informasaun hodi rezolve problema ne’ebé mosu iha Diresaun nia laran, Hafoin ida ne’e, Diretor orienta enkontru refere ba konteúdu/ajenda ne’ebé determinadu.

Iha sesaun ne’e, Diretór DNAF fó orientasaun ba Xefe Departamentu hotu atu breakdown PAA 2015 DNAF ba Planu Operasionál hodi bele distribui ba funcionáriu ida-idak iha kada departamentu. Atu konkretiza PAA 2015, Xefe Departamentu sira tenke operasionaliza akvitidade hirak ne’e tuir funsaun ne’ebé atribuidu. Xefe Departamentu hotu konkorda atu halo breakdown ba DNAF nia PAA 2015 tuir ida-idak nian Departamentu, hodi uza template Planu Operasionál ne’ebé iha. Planu Operasionál kada Departamentu sei submete hikas ba Xefe Dept. Planeamentu no Orsamentu atu halo kompilasaun.

Esbosu Manuál enkontru ne’ebé aprezenta husi Diretór no hetan apresiasaun máximu husi partisipantes sira. Nune’e esbosu refere hetan koresaun hamutuk husi Diretór ho Xefe Departamentu sira hotu.

Konklusaun husi reuniaun, mak konkorda assaun hanesan tuir mai:
1)Iha planu kada trimestrál atu ba Munisípiu hodi fahe livru manuál PAA 2015.
2)Sei prepara planu operasionál ba Munisípiu sira.
3)Atu monitoriza no fikaliza ba Projetu sira iha Ministériu Justisa.
4)Atu halo manutensaun ba sasan iha Ministériu Justisa nian.
5)Iha planu kada Departamentu atu halo oráriu reuniaun nian hamutuk ho funsionáriu (staff) sira.
6)Planu IIMS nia Ministériu Justisa.
7)Kona-ba rekrutamentu funsionáriu 2015 ne’ebé maka atu hetan aprovasaun.
8)Planeia atu monta meza foun ba funsionáriu sira iha DNAF.

Reuniaun refere encerra iha oras 11h:00