Oe-Cusse-Ministro Justica,Dionisio Babo ho Vice MInistro Justica,Ivo Valente akompania Primeiru Ministro Kay Rala Xanana Gusmao Partisipa iha serimonia Transferensia poder husi Governu Sentral hodi jere rasik Zona Ekonomia Soasial no Merkadu (ZEEMS) ba Prezidente Autoridade Rejiaun Adminsitrativu Espesial Oe-Cusse Ambeno Mari Alkatiri,serimonia ne’e hala’o iha kampu basketball,Santa Rosa,Oe-Cusse Domingo (25/01).

Iha Diskurusu Prezidente Autoriadade Rejiaun Administrativu Espesial Oe-Cusse Ambeno Mari Alkatiri hateten katak Knar ne’ebe ohin simu tamba kumpri ita konstituisaun RDTL ne’ebe aprova ona iha tinan 2002 e nune mos iha tinan 2014 Parlamentu Nasional aprova lei numeru 3/2014 28 de Junu lei ne’e rasik fo dalan no regula saida maka rejiaun especial Oe-Cusse atu halo no har’I ZEEMS iha Oe-Cusse no Atauro.

“Ho Lei ne’e iha loron 30 fulan Junu 2014 fo dalan e regula saida maka rejaun administrative Oe-Cusse Ambeno nune mos zona especial ba regulamentu social merkado projeitu pilotu ne’e ba Ambeno ho Atauro,tamba ne’e ohin ita hotu iha ne’e sai testamunha ba transferensia ida ne’e “Dehan Prezidente Autoridade Administrativa Mari Alkatiri.

Iha fatin seluk Primeiru Ministro Xanana Gusmao hateten katak tranferensia poder governu sentral ba autoridade administrative especial Oe-Cussse Ambeno ne’e especial tebes
“Eventu ne’e ninian inportansia maka fo hanoin ba ita leno ita nia mehi ho espransa,ita buka hadia a’an hodi hasoru dezafiu hodi indentifika ita nia difikuldade hodi hadia a’an liu tan”dehan PM.