Dili-Governu liu husi Ministeriu Justisa (MJ) no Ministeriu Solidariedade Sosial (MSS), Tersa (06/01) selebra Natal hamutuk ho Prizioneiros sira Prizaun Bekora, Dili.

Liu husi festeza natal hamutuk ne’e Governu enkoraza nafatin dadur sira katak tenke pasiensia hodi kumpri pena ne’ebe mak parte Tribunal hatun tiha ona ba sira ida-idak tuir tipu kazu ne’ebe mak sira komete rasik.

Tuir Ministru Justisa, Dionisio Babo mos husu ba preju sira atu pasiensia no nafatin hatudu disiplina ne’ebe diak, Prizaun la’os fatin atu kastigu ema , maibe fatin atu ita halo reflesaun no hanoin didiak saida deit mak ita bele dezempenha karik aban bainrua imi sai husi fatin ida ne’e bele ba hamotuk fali iha sosiadade hodi kontribui ba dezenvolvimentu paiz ida ne’e.

“ita hotu hatene katak Natal festa familia nian, maibe la’os deit festa familia uma laran, mais ita nia familia ne’ebe mak ita hamutuk hanesan agora dadauk imi preju,Ho esperito familia nian ne’e ita hamutuk ho solidariedade ba ida-idak.

Hau (MJ) mos hakarak dehan prizaun ne’e la’os ona fatin atu simu kastigu, mais fatin ne’ebe mak prepara an para aban bainrua fila fali ba sosiedade ita bele dehan fatin koreksaun nian,” dehan MJ Dionisio Babo.

MJ ne’e nafatin enkoraza preju sira atu pasiensia no labele lakon esperansa, tanba nudar ema sei la ses husi sala, tanba ne’e maka nudar sidadaun ida iha nasaun tenke kumpri lei tanba ita hotu iha lei nia okos.

Iha fatin seluk Vice Ministro Justica,Ivo Valente mos informa katak fo parabens ba prizoneirus sira maske ita bo’ot sira la selebra natal hamotuk ho familia sira maibe spritu familia sira nia nafatin ho ita bo’ot sira,hakarak informa mos katak iha fim de ano foin dadauk ami simu relatori ne’ebe diak tebes kona ba ita bo’ot sira nia attitude iha prizaun nia diak tebes ho relatoriu ne’e ami bele ha’to ba iha MP ,ho Tribunal atu bele konsidera.

Partisipa iha festa ne’e kompostu husi Ministru Justisa, Dionisio Soares Babo, Vice MJ, Ivo Valente, Sekretario Asuntu Veteranus, Meta Malik, Direktor Prijaun, prijoneiros tomak prijaun Bekora nian no mos Guarda prijional, liu husi oportunidade ne’e Governu mos fahe premiu Natal nian ba Preju sira.