Lautem- Ministro Justisca,Dionisio Babo ho Funsionariu Ministeriu Justica Tomak hala’o komemorasaun loron Internasional Direitus Umanus iha Munisipiu Lautem,iha komemorasaun ne’e hal’ao mos sertame hanesan diskursu publiku entre Estudante Secundariu iha munisipiu Lautem e mos halo jogu amijade entere ekipa Minsiteriu Justica ,ho ekipa PNTL,hala’o mos vizita ba hospital referal Munisipiu Lautem alende ne’e mos hal’ao vizita ba simeteriu hodi fo onra ba asuwain sira ne’ebe lakon sira nia vida ba rai ida ne’e.

Hafoin hala’o selebrasaun loron Direitus umanus ne’e mos Ministeriu Justica,Dionisio Babo ho Administrado Munisipiu Lautem intrega mos premiu ba manan nain sira husi diskursu publiku entre estudante Secundarion sira, primeiru Lugar husi escola Secundario Nico Conis Santana,Segundu Lugar husi escola Secundariu publiku No 1 Lautem,Terseiro Lugar husi Escola Secundario publiku Lospalos. serimonia selebrasaun ne’e hal’ao iha salaun Munisipiu Lautem Quarta Feira (10/12)

Iha diskursu ba komemorasaun loron Internasional Direitus Umanus Ministro Justica,Dionisio Babo hateten katak Asembleia Jeral Nasoens Unidas ne’ebe adopta no proklama deklarasaun Universal Direitus Umanus iha loron 10 fulan Dezembru iha tinan 1984 ho nia prinsipiu katak ema hotu-hotu iha direitu hanesan no labele halo diskriminasaun bazeia ba rasa,suku,status social relijaun no seluk tan ne’ebe la fo valor ba dignidadade umanu iha mundu tomak.
“Ho nune ohin loron 10 fulan Dezembru sai hanesan loron inportante ba mundu tomka inklui mos Timor Leste liu-liu iha Munisipiu Lautem hodi selebra loron inportante ida ne’e,loron direitus umanus iha nia sentidu ne’bee klean hodi fo hanoin ba ita ida-idak laos deit atu selebra maibe inportante mak,oinsa ita bele implementa iha ida-idak nia moris lor-loron selebrasaun sei la iha folin banhira ita la implementa prinsipiu fundamental direitus umanus hira ne’e”Dehan Ministro Jutica,Dionisio Babo

MJ mos informa katak ho ida ne’e Timor Leste presija konsolida dame no estabilidade hodi asegura observansia ba direitus liberdade fundamental iha Timor Leste hodi bele hametin ita nia estadu no soberania tomak iha estadu direitu Demokratiku.
“Ho ida ne’e sidadaun hotu-hotu iha obrigasaun hodi kontribui ba pas no estabilidade iha ita nia nasaun liu husi paz no estabilidade mak iha posibilidade as hodi kontribui ba dezenvolvimentu nasional ba paiz ida ne’e nune bele garante ema hotu sei bele goza sira nia direitus umanus tomak”tenik MJ
Akresenta mos katak hodi komemorasaun loron importante ida ne’e Sekretaiu Jeral Nasoens Unidas nian hata’o Mensagen hodi bolu atensaun ba estadu no membru ida-idak hodi fo onra ba sira nai obrigasaun hodi proteje diritus umanus loro-loron iha tinan tomak.

Iha fatin seluk Direitus DNDHC Celito Cardoso mos informa katak selebrasaun loron internasional Direitus umanus ba tinan ida ne’e governu liu husi Ministeriu Justica,disidi hodi hal’ao selebrasaun loron inportante ida ne’e iha Munisipiu Lautem.
“obrigado ba Sr Minsitro no funsionariu tomak amibitu Ministeriu Justica hodi partisipa iha selebrasaun ida ne’e tamba ne’e lori komisaun organizadora nian naran hato diskulpa karik buat ruma la monu ita bo’ot sira nia laran durante atividade ne’e,ida ne’e sai hanesan lisaun bo’ot ida ba ami atu nune iha futuru bele lao diak liu tan”dehan Direitur Celito