DILI- Sekretáriu Estadu Terras Propriedades (SETP) Jaime Xavier Lopes iha loron 1 fulan-Dezembru 2014 foin lalais ne’e hala’o abertura ba enkontru avaliasaun trimestral ba servisu funsionariu sira nian iha Diresaun Nasionál Terras Propriedades e Sevisu Cadastarais (DNTPSC).

Iha enkontru avaliasaun ne’e, superior Terras propriedade ne’e husu ba funsionariu sira atu bele hala’o servisu ho di’ak hodi bele hadi’a hikas servisu sira ne’ebé maka durante ne’e puliku sira haree la di’ak.

Nia hateten kontribuisaun funsionáriu sira nian ba iha nasaun mak tenki sai hanesan makina estadu nian ne’ebé maka bele halo netik buat ruma ba iha estadu no rai ida ne’e.

iha reuniaun ne’ebé hala’o iha Salaun DNTPSC nian ne’e, hanesan membru governu ba iha instituiusan ne’e nian, nia mós hato’o ninia agradesementu ba iha Diretór Nasionál inklui mós Diretór distrais sira hotu ne’ebé maka partisipa iha enkontru ne’e, tanba tuir nia, servisu diretó distritu sira nian la’o duni tuir nesesidade ema hotu nian ne’ebé maka iha distritu.

Tanba tuir Jaime, diretór sira barak agora dadaun hakaas-an hodi bele kria kontratu arrendamentu ba rai no fatin estadu nian sira ne’ebé maka sidadaun sira uza iha distritu, ne’e maka kontribuisaun Terras Propriedade ba iha reseitas nasaun nian.

Iha fatin hanesan, Diretor Nasional Terras Propriedades Servisu Kadastrais (DNTPSC) Romao Guterres husu mos ba funisonariu sira atu bele kontinua halo servisu ne'ebe di'ak, no buat ne'ebe maka durante ne'e funsionariu sira sente seidauk di'ak bele hadi'ak iha futuru. 

Reuniaun ba avaliasaun servisu ne’e hetan partisipasaun masimu hosi direitór sira hosi distritu 13 inklui mós nia funsionariu sira.

Ananias Babo Horta
Media Officer SETP