Dili-Ministro Justica,Dionisio Babo iha segunda feira ne’e loke abertura ba seminariu nasional ne’ebe organiza husi Komisaun Nasional Direitu Labarik ne’ebe hetan apoiu finaseiru husi UNICEF,seminariu nasional ne’e ho nia tema proteje labarik kkonflitu ho lei nia direitu liu husi lejislativu,seminariu nasional ne’e halao iha edifisiu MSS Caicoli Dili Segunda Feira (10/11)
Iha abertura ne’e Ministro Justica,Dionisio Babo hateten katak Konvensaun ONU kona ba (CRC), ne’e be adopta iha fulan Novembro 1989, hatuur labarik sira nia direitu sivil, politiku,ekonomiku, social no cultural.Komisaun nudar labarik nia direitu nudar orgaun nebe kompostu husi peritu independent lubuk ida monitoriza Estadu –parte sira nia implementasaun ba Komvensaun ne’e regularmente adopta ‘’komentariu jeral” bazea ba artigu , dispozisaun no tema espesifika husi komvensaun hodi tulun Estadu-parte kumpri sira nia obrigasaun tuir konvensaun

“Timor-Leste nudar nasaun membru nebe adopta tratadus internasionais sira, hodi inplementa labarik sira nia direitu nebe preve mos iha konstituisaun RDTL, artigu 18, Hirak ne nudar matadalan atu konsidera no mos tratamentu justu no umanu ba labarik sira nebe komflitu ho lei, liu-liu justica juvenile nia objetivu mak: “ promove labarik nia bem-estar no autoridade sira tenki fo resposta ne’e be professional ho nia natureza, alende infrasaun nia natureza”. dehan Ministro
MJ mos informa tan Estadu iha esforsu hodi dezemvolve no implementa politika sira konaba justisa juvenile nebe kumpri CRC no padraun internasional sira nebe relevante mak hanesan: prevene delikuensia juvenile, diversaun husi prosedimentu judicial, idade imputabilidade penal.
Iha seminariu nasional ne’e hetan partisipasaun masimu husi sosiadade sivil,PNTL,no estudante Secundaria publiko no privado e mos universidade Publiko ho privado tomak.