OE-CUSSE- Vice Ministru Justica Ivo Valente ho Sekretáriu Estadu Terras Propriedades (SETP), Jaime Xavier Lopes iha loron 29 fulan-Outubro 2014 foin lalais ne’e hala’o inagurasaun ba edifisiu foun DTPSC Oe-Cusse.

Iha inagurasaun ne’e SETP husu ba diretór ho nia funsionariu sira hodi bele hala’o sira nia knar halo di’ak iha edifisiu foun ne’ebé maka foin hetan inagurasaun.

Jaime hateten, haree ba uma furak maibé labele haree nia furak deit, atendementu ba komunidade sira mós tenki di’ak, nune’e atividade saida deit kona-ba rai iha Oe-cusse bele la’o ho di’ak.

Kona-ba problema rai ruma entre komunidade sira, husu ba komunidade sira hodi buka oinsa atu belerezolve iha Terras Propriedade, Tanba ne’e dirijente ho funsionáriu sira hodi bele hala’o sira nia knaar ho di’ak, nune’e bele fó atendementu ne’ebe di’ak ba iha komunidade.

Iha Inagurasaun ne’ebé hetan mós partisipasaun hosi Defensor Publico Sergio Hornai, Deputado Natalino dos Santos, Vice Ministru Solidaridade Sosiál, Jacinto Rigoberto ne’e SETP hateten, edifisiu foun ne’e hanesan uma-lulik terras propriedade nain iha Munisipiu Bobonaro, ho ida ne’e hanesan funsionariu ne’ebé di’ak tenki fó atendementu ne’ebé maka di’ak ba iha komunidade sira.

Nia salienta mós edifisiu terras propriedade ne’e hamriik tanba hetan mós kontribuisaun ne’ebé boot hosi komunidade inklui mós autoridade lokál no intelektual distritu bobonaro nian, ho ida ne’e husu ba komunidade sira bainhira iha problema ruma kona-ba rai tenki habesik aan ba iha Edifisiu Terras Propriedade hodi bele rezolve.

Iha inagurasaun ne’ebé hetan mós partisipasaun hosi Xefe Gabinete Vice Ministru Xefe Gabinete SETP, Diretór hosi Diresaun Nasionál Administrasaun Finasas MJ, Diretora hosi dirsaun Nasionál Rejistu Notariadu MJ nina, inklui mós hosi Komandante F-FFDTL Oe-cusse no Komandante PNTL Oe-cusse no Administradór Distritu Oe-cusse inklui mós autoridade lokál funsionáriu no komunidade sira ne’e hahu ho assina plaka hosi Vice Ministru Justica inklui mós ko’a pita ne’ebé hetan akompaña hosi SETP no fó-bensa hosi Amu Paroco Oe-Cusse.

Iha fatin hanesan Vice Ministru Justica, Ivo Jorge Valente lori Ministru Justica nia naran hato’o agradesementu ba iha parte hotu ne’ebé fó sira nia suporta hodi harii edifisiu foun iha Maliana, no hato’o mós agradesementu ba iha kompaña ne’ebé maka kaer obra tanba bele rama servisu ho di’ak no responsablidade.

“Bainhira ita inagura fatin ida, ita iha hanoin katak fatin ne’e hanesan fatin foun ba ita, nune’e mós tenki halo foun hela de’it, nune’e mós governu sentral iha hanoin ba kapasitasaun rekursu umanu,” dehan Ivo Valente.
Inagurasaun ne’e hanesan fó pasu ida-tan hodi bele fó atendementu ba povu sira nune’e mós hanesan parte ida hodi hakbesik-an ba iha komunidade sira.

Nia hateten maske disputa rai iha oe-cusse aas maibé ne’e hanesan situasaun ida ne’ebé maka ita tenki rezolve, ho ida ne’e iha fatin ne’e sei iha seksoens oin-oin, maka hanesan SNC sira sei kontinua halo levantamentu ba parsela sira ne’ebé maka iha.

Husu ba funsionáriu sira ne’ebé maka servisu iha ne’e atu kontinua nafatin ho servisu ida ne’ebé maka modernu liu, tanba nia sei uza tablet. Ne’e hanesan servisu ida ne’ebé maka ho teknolójia maibé ho nia kualidade ne’ebé maka-ás.

Nia parte la iha duvidas ba funsionáriu sira atu sukat rai, tanba funsionáriu sira mesak ema tékniku s ukat rai nian.

Ivo husu ba dirijente no funsionáriu terras propriedade Oe-cusse nian hodi bele hala’o sira nia knaar ho loloos, nune’e mós tenki hatudu sira nia maturidade nundár funsionáriu Públiku hodi bele fó atendementu ne’ebé di’ak ba iha komunidade sira hotu.

Iha biban ne’e Diretór Terras Propriedade Distritu Oe-cusse Julio Coel hateten, iha tina n 14 nia laran sira servisu hala’o atendementu ne’ebé atu fó atribuisaun rai ba departementu sira maka hanesan halo kontratu arrendamentu ba sira ne’ebé uza rai no uma estadu hodi bele hatama reseitas ba iha konta estadu nian, maibé seidauk iha edifisiu ida ne’ebé di’ak bainhira kompara ho departementu sira seluk.

Nia hateten sira kontenti ho edifisiu foun ne’ebé maka konstrui hosi kompaña lokál Quefi Oel Unipessoal Lda, ho nia totál orsamentu ba konstrusaun US$344.863,39, projetu ne’e tama iha KDD II.*