Maliana, Viçe Ministru ba Justica Ivo Valente hamutuk (Setp), Dr. Jaime Xavier Lopes ho direjente iha ambito Ministeriu Justica nian, loron 23 – 10 – 2014, halao inaugurasaun ba edifisiu foun Dirasaun Terras Propriedades no Servisu Kadastrais Distritu Bobonaro iha Maliana. Iha inagurasaun nebe marka partisipasaun masimu hosi komunidade inklui mos autoridade lokais no funsionarius sira hosi institusaun tomak iha distritu Bobonaro nian nee.

Viçe Ministru ba Justica Ivo Valente hahuu simbolikamente inaugura edificio, ho asina plaka inklui mos kúa fita no fo bensa hosi Amo paroko Maliana, Ernetu Barreto, SDB, kontinua kúa bolu, loke champainha.

Viçe Ministru ba Justica, Ivo Valente liu hosi ninia intervensaun katak prezensa edificio foun ida ne sai uma mahon ba povu distritu Bobonaro hodi hetan nia direitu ba rai ka propriedades iha distritu Bobonaro, husu mos ba funsionarius sira atu servisu diak maske sei iha limitasaun barak ba ekipamentus apoiu ba servisu nian iha distritu sira, tenki hatudu esperitu servisu nia, nune bele fo atendementu nebe diak ba komunidade iha distritu Bobonaro nee.

Hau fiar katak, edifisiu foun DTPSC distritu Bobonaro nian nee lori esperitu foun ba direjente ho nia funsionarius sira iha distritu Bobonaro, nunee ho edificio foun nee hau mos fiar katak iha futuro oin mai iha problema konaba rai iha distritu nee bele menus.

Maibe iha ona kompaia foun husi portugal halo servisu hamutuk ho ita, iha difikuldade hanesan lingua portugues, neneik ita mos bele adapta servisu hamutuk ho sira, fo orgulhu bot ida ba ita nia director Terras distritu, ohin nian intervensaun hatete katak durante servisu levantamentu kadastrus primeiru distritu Dili tuir kedas Bobonaro, sei iha formasaun ka treinamentu ba funsionarius atu aumenta kapasidade ka rekursus humanu ba funsionarius sira iha distritu Bobonaro nee.

Governu tenki simu sosiadade sira nia kritika tamba laiha kritika oinsa Governu bele halo mudansa ba servisu, dehan Ivo Valente.

Husu ba director Terras distritu atu servisu hamutuk ho administrador, komadante PNTL distritu ho povu Bobonaro atu hare edifisiu ida nee, ho diak atu labele estraga, tamba uma mahon nee nudar futuro povu Bobonaro nia, ema sei mai investe iha Bobonaro sei hakat mai edifisiu ida nee, hodi hare legalidade ba rai ka uma iha distritu ida nee, nune husu ba joven no komunidade distritu Bobonaro atu kuidadu edifisiu nee.

Intervensaun nee atu fo fanu Bobonaro oan sira motiva servisu, tamba rai Bobonaro nee rai ida bokur hanoin tinan oin mai Bobonaro sei iha diferente entre distritu seluk iha Timor – Leste.

Ikus liu almosu hamutuk ho komunidade distritu Bobonaro no fahe malu, komutiva Viçe Ministru ba Justica fila mai Dili oras tuku 13:45.