Pontu Fokál Pré-Deskonsentrasaun Administrativa (PDA) Ministériu Justisa (MJ)partisipa iha enkontru kinzinál iha Salaun Very Important Person (VIP) Ministériu Administrasaun Estatál, iha loron 20 fulan Outubru 2014.

Pontu Fokál MJ partisipa enkontru ne’e bazeia ba karta konvite husi SEDA relasaun ho prosesu pilotu Pré-Deskonsentrasaun Administrativa ba munisipiu Aileu, Ermera no Liquisa.

Iha enkontru ne’e dirije direitamente husi Sekretariu Estadu Desentralizasaun Administrativa (SEDA), Tomas Cabral ne’ebe infoma ba audiensi enkontru kona-ba membru governu balun iha Konsellu Ministru la kompriende ka la hatene kona-ba programa PDA, no oinsa atu aloka orsamentu no destaka funsiunariu Públika ba munisipiu tolu (3) ne’e.

SEDA, Tomas Cabral hateten, “ hau husu ba Pontu Fokál sira hotu atu koalia ho Ministru ka Sekretariu ida-idak hodi koalia kona-ba oinsa atu delega kompetensia, aloka orsamentu no funsiunariu públiku ba munisipiu sira.

Molok SEDA atu husi hela enkontru ne’e loke sesaun husu no hatan ba adiensia hodi hato’o hanoin ruma.

Pontu Fokál PDA Ministériu Justisa, Antonio Verdial de Sousa iha enkontru ne’e hateten,” ami husi Ministériu Justisa servisu lao ba oin nafatin hodi sosializa ba diresaun Ministériu Justisa iha munisipiu Aileu, Ermera, Liquisa no Bobonaro, neduni, ami lao nafatin ba oin. Hau husu ba entidade hotu-hotu ne’ebe responsabliza direita no la direita hodi halao dekretu Lei Nú. 4/2014 ho diak tenke iha kooperasaun kolaborasaun, koordenasaun ne’ ebe sustentavel. Nune’e mós asuntu ne’e hanesan kauza ne’ ebe kauza interese nasional ita hotu tenke ida de’it.”

Iha reuniaun ne’e Pontu Fokál PDA MJ, Antonio Verdial de Sousa subliña liu tan dehan,” kona-ba salariu baziku ba funsuinariu estadu hotu ne’ebe oras ne’e dadaun halao knaar iha Funsaun Públika tenke tau matan ho diak, tanba salariu ne’ebe mak sira simu fula-fulan la sufisiente atu atende nesesidade familia. No mós ba funsiunariu sira ne’ebe mak atu destaka ba munisipiu tenke prepara kondisoens ne’ebe mak favoravel atu nune’e funsiunariu destakadu halao knar ho dignu.”

Enkontru quinzinál tuir mai sei halao iha loron 5 fulan Novembru tinan 2014 iha sala reuniaun VIP Ministériu Adminstrasaun Estatal.
Partisipa iha enkontru ne’e Pontu Fokais, PDA Ministériu Justisa, Antonio Verdial de Sousa, Marino Corte Real Tilman no João Maupelo da Costa.