MANATUTO-Sekretáriu Estadu Terras Propriedades (SETP) hamutuk ho Ministru Justisa inklui mós Vise Ministru Justisa no dirijente hotu hosi Ministériu Justisa nian iha loron 10 fulan-Outubro 2014 foin lalais ne’e hala’o inagurasaun ba edifisiu foun Diresaun Terras Propreidades no Servisu Kadastrais Distritu Manatuto.

Iha inagurasuan ne’ebé hahuu ho asina plaka inklui mos ko’a pita no fó-bensa hosi Amu paroco Manatuto nian ne’e SETP liu hosi ninia intervensaun husu ba funsionariu sira tenki hatudu sira nia esperitu servisu nian nune’e bele fó atendementu ne’ebé maka di’ak ba komunidade sira.

Tuir Jaime bainhira ema seluk atu hateten ita nia servisu atu la’o ho di’ak ita mós tenki fó atendementu ne’ebé maka di’ak ba komunidade sira.

Nia mós hateten, edifisiu foun ne’e hanesan mós uma-lulik terras propreidade nian iha distritu Manatuto, ho nune’e husu ba komunidade sira ne’ebé maka iha problema rai karik hakbesik-an ba iha terras propriedade hodi buka informasaun atu bele rezolve problema.

Iha fatin hanesan Ministru Justisa Deonisio Babo Soares hateten, edifisiu ne’e importante tebes, tanba papél terras propriedade nian importante liu iha distritu Manatuto. Tanba importansia Terras Propriedade nian maka durante tinan 2 nia laran SETP esforsu-án hodi tu’un ba distritu, nia ba distritu halo senseblizasaun ne’e la’ós atu fó hatene ba komunidade sira maibé oinsa maka komunidade sira bele iha koinesementu ba iha lei rai nian.

Babo hateten, prestasaun hotu kona-ba terras propriedade nian sei hala’o hotu iha edifisiu foun ne’e, nia mós fiar katak, funsionáriu sira bele hatudu sira nia prestasaun servisu ne’ebé di’ak ba iha komundade sira iha Manatuto.

MJ Informa mós oras ne’e dadaun kona-ba levantamentu dadus nian, TL iha ona ona kompaña ne’ebé halo levantamentu kadastrais tuir sistemátiku, husu ba komunidade sira atu bele fó sira nia kontribuisaun hanesan pasa informasaun ne’ebé loos ba iha ekipa tékniku sira hosi Sistema Nasionál Cadastro (SNC).

Iha fatin hanesan Diretór Terras Propriedades Distritu Manatuto, Antonio Cárceres hateten, nia hateten dezafius ba oin sei iha nafatin, tanba sei menus rekursu umanu inklui mós transporte no material sira ba iha edifisiu nian.

Maske ho dezafiu boot maibé sempre iha kordensaun servisu ho autoridade hotu iha distritu nian hodi bele hala’o hamutuk servisu.

Iha seremonia inagurasaun ne’ebé maka hahuu ho assina plaka hosi Ministru Justisa, ko’a pita hosi SETP ho Diretór DTPSC Manatuto no hetan akompaña hosi MJ no Vise MJ ne’e fó bensa hosi Amu Paroco Manatuto Pe. Martinho Gusmão, no remata ho ko’a cake.

Hanesan uma-na’in Diretór Terras Propriedade Servisu Kadastrais distritu Manatuto, Antonio Cárceres informa mós, Obras ne’e remata tanba servisu hosi kompaña Hatu Wari Unip. Lda ho totál orsamentu ba obras nian hamutuk U$S 341.000 (Dollars rihun atus tolu haatnulu resin ida).

Hanesan diretór Antonio husu mós ba iha Ministériu hodi bele asegura seguransa ba edifisiu foun DTPSC nian inklui mós buat balu ne’ebé maka sei falta, no nia fiar katak ho edifidiu foun sira mós sei servisu ho espertitu ne’ebé foun.*