VIQUEQUE-Sekretáriu Estadu Terras Propriedades (SETP) Jaime Xavier Lopes iha loron 7 fulan-Outubro 2014 foin lalais ne’e hala’o inagurasaun ba edifisiu foun Diresaun TerrasPropriedades Servisu Kadastrais (DTPSC) distritu Viqueuqe.

Inagurasaun edifisiu foun DTPSC Viqueque nian ne’e hahuu ho assina plaka hosi SETP, no hetan bensa hosi Amu Vigariu Parokia Viqueuque inklui mós ko’a cake hosi SETP no akompaña hosi Reprezentante Diretór Nasionál Terras Propriedades, Diretór Distritu Viqueque, Administradór Interinu Distritu Viqueque inklui mós Amu paroco ho diretór hosi kompaña ne’ebé maka halo konstrusaun ba edifisiu refere.

Edifisiu foun ne’e tuir Jaime la’ós Terras Propriedade nian deit maibé, ne’e edifisiu ne’e hanesan komunidade tomak hosi distritu Viqueque nian, tanba ne’e husu ba komunidade sira tenki tau-matan ba edifisiu ne’e.

Nia reforsa mós, edifisu ne’e naran maka teras propriedade nian maibé ida hanesan uma-lulik Terras iha Distritu Viqiueque nian tanba hosi fatin ne’e maka sei rezolve problema kona-ba rai, nune’e mós iha edifisiu ne’e maka iha futuru mai sei halo atendementu ba komomunidade hotu iha distritu Viqueque.

Iha inagurasaun ne’ebé maka hetan partisipasaun másimu hosi komunidade inklui mós autoridade lokál no funsionariu sira hosi instituisaun tomak distritu Viqueuqe nian ne’e SETP husu ba diretór ho nia funsionáriu sira hodi bele fó atendementu ne’ebé di’ak ba komunidade sira.

Tanba tuir Eis Direitór ne’e, bainhira servisu instituisaun ida atu la’o susesu ninia atendementu ba publiku mós tenki di’ak.

Hatan ba prekupasaun diretór nian kona-ba kapasitasaun ba funsionáriu sira iha distritu, nune’e mós kona-ba ekipamentu edifisiu nian ne’ebé maka sei falta, membru governu ne’e hateten, nia parte sei esforsu-an hodi kompleta buat sira ne’ebé maka sei falta.

Ha’u fiar katak, edifisiu foun DTPSC distritu Viqueque nian ne’e bele lori mós espéritu foun ba dirijente ho nia funsionariu sira iha distritu, nune’e ho edifisu foun ne’e ha’u mós fiak katak iha futuru mai problema kona-ba rai iha distritu ne’e bele menus,” dehan Jaime.

Iha biban ne’e Sekretáriu Estadu ne’e lori Ministru Justisa nia naran husu husu deskulpa ba partisipante sira hotu tanba iha inagurasaun ne’e la hetan partisipasaun hosi MInistru Justisa ho Vise Ministru Justisa, tanba iha servisu importante balu ne’ebé maka presiza hala’o iha Dili.

Hanesan uma-na’in Diretór Terras Proporiedade distritu Viqueque, Apolinario Ximenes hateten, nia sinti kontenti ho edisiu foun ne’ebé maka iha tanba edifisiu terras nian ne’e hanesan uniku edifisiu ne’ebé maka di’ak-liu edifisiu hotu-hotu iha distritu Viqueque.

Kona-ba difikuladade ne’ebé maka durante ne’e sira hasoru iha Distritu Viqueque maka hanesan, menus fasilidade ba atendementu públiku hanesan trasporte inklui mós menus rekursu umanu, tanba duranyte ne’e distritu Viqueque uga deut funsionáriu nain 6 maka halo atendementu ba públiku.
Iha fatin hanesan Aministradór Interinu distritu Viqueque Jose da Costa de Sousa hateten, edifisiu ne’e hamriik tanba esforsu tomak SETP nian, ho inagurasaun ne’e la’ós responsablidade DTPSC Viqueque nian de’it maibé ne’e responsablidade komunidade hotu nian povu vikeke nian tomak.*
Ananias Babo Horta
Media Officer SETP