Aileu-Vise Ministru Justisa, Ivo Valente no Sekretariu Estadu Terras Propriedade, Jaime Xavier Lopes lansa estrutura Munisípiu iha edifisiu Diresaun Terras Propriedade Servisu Kadastrais (DTPSC) iha Administrasaun Munisípio Aileu loron 3 fulan Outubru 2014.

Iha programa lansamentu ne’e Vise Ministru Justisa ba ne’ebé partisipa iha programa inagurasaun edifisiu foun ba Diresaun Terras Propriedades Munisipiu Aileu hateten,”hau halolo de’it lia fuan husi Sekretariu Estadu Desentralizasaun Administrativa (SEDA), Sr.Tomas Cabral hateten katak Ministériu Justisa preparadu diak liu hodi hakat ba Munisípiu tanba servisu maka’as husi Pontu Fokál Pré-Deskonsentrasaun Administrativa, Antonio Verdial ho ninia ekipa.

Iha programa lansamentu ne’e koordenadór Pré-Deskonentrasaun Administrativa Ministériu Justisa, Antonio Verdial de Sousa hateten,” Hahu ohin ba oin Aileu laos ona Distritu, maibe ninian naran hanaran “Administrasan Munisípio Aileu” Ho lansamentu ne’ebe Vise Ministru Justisa akompanadu ho Sekretariu Estadu Terras Propriedades ne’e, hatudu ba públiku katak Ministériu Justisa preparadu no prontidaun atu asegura Politika Governu Konstitusional da V ne’ebe estabelese tiha ona ho Dekretu Lei (DL) Númeru 4/2014 kona-ba Politika Pré-Deskonsentrasaun Administrativa.

Hanesan Pontu Vogál Ministériu Justisa nafatin fanun ba entidade tomak iha Administrasaun Munisípiu Aileu katak politika ida ne’e nu’udar kauza Nasionál ne’ebe kauza interese nasionál ita hotu tengki ida deit. Hodi bele fo mós lian menon ba entidade vertikais no horizontais iha halao knar tenki iha espritu “Hakoak Ema Hotu” tanba ida ne’e maka papel prinsipal, signifikante, as, dignu ho responsabilidade tomak.”
Lansamentu ne’e ho objetivu atu habelar informasaun Polítika Pre-Deskonsentrasaun Administrativa no identifika dezafius iha Administrasaun Munisipál hamutuk ho responsaveis DTPSC no DNRN sira hotu.
Tuir planu Pontu fokál Ministériu Justisa nian, sei halao tan programa hanesan iha munisipiu Ermera ho Liquisa iha semana ida ne’e nia laran.
João Maupelo da Costa
Pontu Fokál Pré-Deskonsentrasaun Administrativa, Ministériu Justisa