Aileu-Ministro Justica,Dionisio Babo loke abertura ba Kongeresu Klibru Organizasaun Rejistensia Nasional Timor Leste (KORENTIL),Korentili hanesan organiziasaun ne’ebe ejisti ona iha tempu okupasaun Indonesia e agora dadaun halao nia kongresu hodi hili nia lideransa atu bele lidera organizasaun ne’e iha future. Kongresu ne’e hal’ao iha sala Administrasaun Distrito Aileu,sabdu (27/09)
Iha abertura Ministro Justica,Dionisio Babo informa ba delegadu sira katak Organizasaun KORENTIL hanesan organizasaun n’ebe ejeisti ona iha tempu okupasaun Indonesia hodi hablibur hamotuk Timor Oan sira ho nia prinsipiu ukun rasik a’an,tamba ne’e ohin hetan ona independensia,Korentil hamrik hodi difini nia papel hodi kontribui ba dezenvolvimentu nasional ba rai ida ne’e.

“primeiru fo parabens ba fundador KORENTIL tamba Timor leste hetan nian independensia 12 anos,e ohin korentil halo kongresu hodi hili nia reprezentante atu bele lidera korentil iha Distrito AIleu hodi halibur fali nia membru sira ho nia papel atu kontribui ba dezenvolvimentu hodi prense independensia ne’ebe ita nia heroi sira mehi ona iha tempu uluk”Dehan Ministro Justica,Dionisio Babo
Iha fatin seluk Prezidente KORENTIL Joa’o Martins informa katak Korentil organizasaun ida ne’ebe mak hamrik iha tempu okupasaun hodi halibur Timor oan hotu ho misaun ida deit katak tenke liberta rai ida ne’e husi okupasaun Indonezia e ohin loron hamrik laos hanesan partido Politku,laos kompania maibe halibur hamotuk fali membru sira uluk hodi kontribui ba dezenvolvimentu nasional.