DILI-Ministeriu Justica,liu husi Komisaun Nasional Direitu Labarik (KNDL) organiza seminar nasional ida ho tema Prevene Insestu hodi proteje feto minoridade husi Abuzu seksual nudar ita hotu nia responsabilidade seminar ne’e loke huvi Vice Primeriu Minstro Fernando Lasama akompania husi Minsitro Justica,Dionisio Babo,Vice Ministro Ivo Valente,seminar ne’e hal’ao iha sala Reiniaun MSS Caicoli Dili Sexta Feira (2/09)
Iha abertura Ministro Justica,Dionisio Babo hateten katak kazu insestu ou (ran Moe Malu) ne’ebe dala barak kazu ne’e akontese entre aman ba oan,ou inan ho oan ne’ebe halo relasaun seksual dala barak akontese ba labarik minoridade ne’ebe komesa rejistu ona iha Timor Leste.
“Kazu insestu ne’e dala barak akontese relasaun seksual entre falimilia uma laran deit tamba ne’e Ministeriu Justica,liu husi KNDL servisu hamotuk ho sosidade sivil sira hodi realiza seminar ida ne’e oinsa mak atu bele prevene kazu insestu ne’e iha ita nia rai”Dehan MJ Babo
MJ mos informa tan katak ba tinan ida ne’e kazu insestu rejistu hamotuk 6 maibe la inkului sira ne’be la rejistu,kazu ne’e akontese tamba moras mental psikolojia ne’ebe iha uma laran rasik,aman mak fo fali oan ba nia oan rasik ne’ebe tuir lolos labele akontese buat ne’e tamba ne’e governu iha obrigasaun tenke halo sosializasaun ba kazu refere.

“Governu no sosiadade sivil inkului ita hotu iha obrigasaun atu halo sosializasaun hodi fo hatene ba ita nia maluk iha Timor laran tomak katak baut ida insestu ne’e labele mosu ona iha ita nia rain tamba kontra ita nia kultura,kontra ita nia relijaun kontra mos ita nia valores sosiais”dehan MJ
Iha fatin seluk Vice Primeiru Minsitro Fernando Lasama mos informa katak kazu insestu ne’ebe agora akontese ne’e presija ita hotu nia kloborasaun hodi kombate kazu insestu iha ita nia rain tamba insestu hanesan moras mental ida ne’e labele kura maibe presija prevene.
“Governu tenke esforsu to’o iha sucu,aldeia hodi halo sosializasaun ba ita nia komunidade sira katak kazu insestu ne’e kazu ida ne’ebe mak la diak tamba ne’e presija ita hotu toma atensaun hodi bele prevene moras ne’e atu nune labele akontese tan iha ita nia rai”dehan Vice PM Lasama.