DILI- kintu governu konstitusional lansa peskija planu nasional direitu humanus hodi ajinti direitus umanus nebe diak no justu ba povu durante ne’e Timor Leste mos retifika ona konvesaun internasional barak ona maibe estadu Timor Leste rasik laiha giaun.
Tuir Ministru Justisa Dionisio Babo Katak Timor Leste ratifika ona konvensaun internasional barak no mos konstitusaun da Republika mas koalia kona ba direitus umanus no antiji diretus umanus ba povu maibe ita sei laiha giaun.hodi adere ba.
“ Ita koalia kona ba diretus umanus kritika malu no atinji direitus umanus nebe diak ba ita nia povu maibe ita laiha giaun ida ou barametru atu ita bele Adere ba,” dehan Dionisio Kinta (25/09/2014) iha Salaun Ministeriu Negosiu Estranjeiru Pantai Kelapa.
MJ Esplika tan katak institusaun estadu nia laran hanoin lahanesan tan nee’e estabelese planu asaun ida nebe hotu-hotu konkorda ba iha referensia direitus umanus iha Timor Leste ninian hodi adere ba prinsipiu Direitus manus Universiais ninian.
“ Problema diretus umanus laos governu ninian mesak maibe estadu tomak no ita Timor oan tomak ninian hotu tamba iha governu, Sosiedade Sivil, relijiusno grupus sira seluk tenki tama iha lara,” dehan MJ

Iha fatin hanesan Primeiru Ministru Interinu Atual vice Primeiru Ministru Fernando Lasama De Araujo hatete, katak direitu umanus nebe mak iha estadu bele hasai hanesan halo krime, oho malu nebe kontra direitus Humanus.
“ Ita nia planu estratejiku dezemvolvimentu nasional mos sai dokumentu direitus Umanus ida nebe atu halakon kiak hodi nune povu bele moris diak no hetan buat ruma atu han,” dehan Lasama.
Nia esplika tan katak kona ba kultura, sosial no seluk tan mos inkliu hotu direitu Umanus, Planu peskiza nebe mak iha sei involve hotu sosiedade sivil, ingreja, governu no institusaun hotu nebe ejiste iha nasaun Timor Leste.
Partisipa iha Lansamentu Peskiza Planu Asaun Nasional Direitus Umanus Timor Leste nee’e halao iha Salaun Ministeriu Negosiu Estranjeiru iha Pantai Kelapa nebe konsege hetan Partisipasaun husi Vice Primeiru Ministru ho Membru governu balun, embaixador Indonesia ba Timor Leste Sosiedade Sivil korpu Diplomatiku Nasional no Internasional.