MALÁZIA-Sekretáriu Ertadu Terras Propriedades Jaime Xavier Lopes iha loron 12 fulan-Setembu semana liubá ho nia ekipa tékniku inklui mós ekipa tékniku sira hosi kompaña LAI-ARA Jetty and Oil Storage Construction hodi hala’o vizita servisu ba kompaña Nikmat Mujur iha Malázia.
Vizita servisu ne’e ho nia objetvu atu ba haree besik propriedade sira ne’ebé maka kompaña Nikmat mujur ne’ebé maka iha malázia hodi bele hatene nia iha duni ninia propriedade rasik ka lae.
Tanba tuir Jaime, nia parte tenki ba halo duni vizita hodi bele klarifika kompaña ne’e nia servisu iha malázia, antes estadu liu hosi terras propriedade atu fó arrendamentu rai estadu nian ba iha kompaña ne’e.
Tanba tuir planu kompaña ne’e atu mai investe iha Timór-Leste, no fatin ne’ebé estadu liu hosi terras propriedade atu halo arrendamentu ho kompaña refere iha Distritu Liquisa. Nune’e mós kompanña ne’e sei la servisu mesak maibé nia sei servisu hamutuk ho Kompaña LAI-ARA ne’ebé timoroan maka jere, Dehan Jaime.

Membru Governu ne’e Salienta mós, durante vizita iha malázia nia parte ho ekipa tekniku sira hosi Timor-Leste hala’o enkontru ho Low See Nam hanesan Kompaña Nikmat Mujur Sdn Bhd na’in hodi kompaña ne’e halo mós aprezentasaun kona-ba atividade sira ne’ebé maka durante ne’e komapaña ne’e hala’o, no kompaña Nikmat Mujur halo mós aprezentasaun kona-ba ekipamentu kompaña nian sira ne’ebé maka iha.
Aprezentasuan Komapña Nikmat Mujur ne’e tuir SETP atu fó fiar ba estadu Timór-Leste. Nune’e estadu Timór-Leste liu hosi Terras Propriedade hodi bele fó fatin ba kompaña hodi bele harii sira nia projetu iha fatin ne’ebé maka estadu prepara ona ba sira.*
Ananias Babo Horta
Media Officer SETP