DILI- Guverno Timor Leste liu husi Ministerio da Justiça-Direcçao Nacional dos Registos e do Notariado fo ejame Nacionalidade ba cidadãos estrangeiros atu hetan Nasionalidade Por Casamento ho por Naturalização.
Directora DNRN Dra.Maria Fátima Castro de Araújo Iha nia diskursu hatetekan katak atu sai sidadaun Timor-Leste tenke compri regras no lei nebe vigora iha Nasaun ida ne’e e tenke hatene mos Lingua portugues ho tetum nebe hanesan lingua official no hatene Istoria ho Kultura Nasaun Timor Leste, no tenke hatene mos kanta Patria-patria. Tuir lei atu hetan nasionalidade por casamento tenke hela iha Timor durante tinan 5, no ba sira nebe mak atu hetan por Naturalização tenke compri tinan 10.
Iha fatin hanesan Director Curriculum Ministerio da Educação Sr.Raimundo da Costa Neto iha nia diskursu hateten atu fo ejame Nasionalidade ne husi institusaun rua mak responsavel mak Ministerio Justiça halai ba lei no Ministerio da Educação halai ba area edukasaun kultura ho istoria, nia aumenta tan hadomi ami ho nasaun ne’e mak bele hetan cidadaun Timor Leste.

Adjunto sub Inspectur Ministerio da Educação Sr.Evaristo M. De Jesus iha nia Diskursu katak participantes nebe mai tuir ejame ida ne’e tuir idak-idak nia hakarak, no ejame ne’e laos formalitas deit maibe hakarak atu hatene duni ita bo’ot sira nia conyecemento ba Nasaun Timor Leste to’o iha nebe ona.
Ejame ne’e participa husi cidadaun estangeiros hamutuk 139, no comesa husi dader tuku 9 ho ejame eskrita depois iha parte loraik continua ho ejame oral ba sira nebe mak cedauk tuir ejame oral iha tinan kotuk, ejame ne’e halao iha salaun enkontru Direcção nacional dos registos e do Notariado Bebora-Dili.

Ana Rufina Freitas-DNRN