DILI- Asosiasaun Advogadu Timor Leste (AATL) realiza Asembleia Jeral (AJ), hodi prepara lideransa foun ba periodu tinan 2014-2016 Kongresu ne’e realiza iha Centru Formasaun Juridico Caicoli Dili Sexta (19/09)

Ministru Justisa Dionisio Babo hatete advogadus Privadus iha hanoin hamutuk atu realiza asembleia jeral ida ne’e hodi fihir sira nia lideransa atu bele lidera fali Asosiasaun Advogado Timor Leste (AATL) ba periode tuir mai ne’e iha Parte guvernu mos agora dadaun estabelese konselhu Jestaun advokasia no prepara sira atu sai advogadu.

“Governu Liu husi Ministeriu Justica estabalese ona Konselhu Jestaun Advokasia hodi fo advokasia ba ita nia advogado Timor oan sira ne’e agora dadaun hala’o hela sira nia knar e mos governu tenki husik sira atu kaer mesak knar ho orden advogadu ne’ebé independente”Dehan Ministro Justica,Dionisio Babo

Prezidente Majestradu Defensor ne’e mos esplika tan advogadu privadu nia knar laos hanesan defensor publiku,Maibe advogadu privadu hanesan organizasaun ida ne’ebé halibur advogadu timor oan sira, no sira rasik mak estabelese disiplina hafoin kordena ho guvernu mak hili sira nia membrus

.”Durante ne’e governu Apoiu liu husi formasaun, kria konselhu jestaun atu regula advogadu privadu nia servisu, mais ba futuru tenki muda ona lei refere,Tanba ejistensia advogadu iha Timor Leste hanesan profisaun autonoma ida. “dehan MJ

AATL hanesan instutisaun normal iha TL, mesmu TL sidauk iha orden dos advogadu entaun guvernu mak faselita hela formasaun. Maibe ita hare tinan ida ka rua ba kotuk mak lei ne’e muda ona ita husik para advogadu privadu sira lao mesak. Tanba sira servisu mos buka osan ba sira nia a’an,” dehan nia Babo dehan formasaun ne’ebé advogadu privadu sira hetan hanesan mos formasaun defensor no majistradu sira nian. Maibe nia husu importante ba advogadu sira atu observa mak dever deontologia no dever etika ne’ebe akumula konaba disiplina, profesionalismu, tetu kazu ruma ho pasiensia ho regra tuir lei.

. Presidente AATL Pedro Aparicio hatete asempleia jeral ne’e atu deskute mandatu presidente aktual nia rasik ho estrutura tomak nia kargu remata ona iha fulan agustu, Entaun agora liu husi asembleia jeral refere mak sei deskute atu transfere poder refere ba ema seluk.

“Mandatu remata iha agusto liu ba mais tanba failansu orsamentu no advogadu sira susar atu hasoru malu. Entaun ohin ami desidi halibur hamutuk hodi aprejenta relatoriu ba asembleia konaba ami nia servisu ne’ebe halao durante tinan rua,” dehan Aparicio

Alende ne’e mos aprejenta relatoriu, asembleia jeral ne’e mos sei deskute konaba planu no programa foun ne’ebé konselhu ezekutivu foun sei halao iha tinan rua oin mai. Tuir nia hare iha figura foun barak mak sei kompete atu lidera AATL ba tinan rua oin mai. Maibe ba nia pessoal lakohi atu kandidata a’an ba mandatu segundu. Tanba nia hakarak fo oupurtunidade ba membrus AATL sira seluk hodi aprende mos hanesan lideran iha AATL laran.