Dili- V governu Konstitusional liu husi Ministeriu Justisa oras nee’e halo Konstulasaun ba Esbolsu Lei Indultu ho institusaun relevante Hanesan Prezidendensia Republic, Tribunal sosiadade Sivil,academia no sira seluk tan hodi hetan opiniaun no sugestaun ba esbosu lei refere.
Tuir Ministru Justisa Dionisio Babo katak ministeriu Justisa uluk konsege hato’o tiha ona esbolsu lei ida hamutuk ho lei eksekusaun penal maibe konsege disidi fali hodi dada indultu nian tamba atu aprezenta esbolsu lei foun kona ba indultu nian.
“ Esbolsu Lei Indultu nee’e agora dadaun tama ona ba faze konsultasaun publiku liu-liu ba entidade relevante sira hotu atu bele fo sira nia opiniaun ho sugestaun por eskrita kona ba esbosulu lei refere liu-liu ba sosiadade sivil,academia no sira seluk tan,” dehan Ministro Justica, Dionisio Kuarta (10/09/2014) iha
MJ Babo mos informa tan katak Konsultasaun ba lei indultu ba entidade sira hotu liu-liu Tribunal no Prezidente hodi hare sira nia pareser juridiku kuandu hotu ona Ministeriu Justica bele Aprezenta ba iha Konseilu Ministru no Parlamentu Nasional hodi hetan aprovasaun.
“Prezidente da Republika iha Direitu Konstitusional atu fo Indultu ba ema sese deit banhira prense rekezitus atu fo indultu, maske ema barak la satisfas ou la gosta ho desizaun ne’e normal maibe ita tenke respeita desizaun ne’e tamba direitur konstitusional Prezidente nian
Iha fatin ketak Diretur Ezekutivu Asosiasaun yayasan Han Manuel Monteiro Katak bazea ba konstitusaun republika Prezidente iha kompitensia rasik atu fo Indultu ba Prizioneiru sira maibe Indultu nebe halo tuir Kodigu prosesu Penal Prizioneiru sira tenki Kumpri pena metade husi total pena nebe mak iha.
“ kazu lucia Lobato ninian foin kumpri deit ninia Pena tinan fulan neen, seidauk metade husi total pena nebe mak iha nee’e mak sai Problema,” dehan Manuel.
Nia esplika tan katak kazu nee’e prezidente halo asaun hanesan nee’e bele prezudika no hafrasu sistema nebe mak timor oan hotu esforsu atu hatur didiak prisipiu estadu direitu iha ninia fatin tuir Konstitusaun Republika.
Manuel esplika tan katak ho Indultu nebe mak iha bele kontra lei tamba kodigu penal kumpri uluk lai ninia pena total ho metade automatikamente ninia bele hetan indultu husi Prezidente republika ou Prizioneiru nee’e nia advogadu bele husu Indultu ba prezidente republika.