Centro Formasaun Juridika/ Kaikoli-Dili,Viçe Ministro ba Justica Ivo Valente, ofisialmente loke ezame requalificação ba quarda prisional iha Timor-Leste.Marka prezensa iha sesaun abertura Directora Geral Centro Formasaun Juridika (CFJ) Dra. Mercelina Tilman, Inspector Komisaun Funsaun Publika, Dr. Alfredo Magno Orleans, Presidente ba ekipa avaliasaun noo Sub Inspetor Ministerio Justica, Dr. Lucas António da Costa, Director Nasional Prizaun Dr. Helder Belo, ho Chefe departemento iha ambito Ministerio Justica, loron tersa-feira, 10-setember -2014.

Ezame ne hahu ona iha Ermera (Gleno), loron 8/9 – 09 – 2014, ohin hahu iha Dili, loro 10/11 – 09 – 2014. Partisipantes tuir ezame ba grau E ema nain 13, grau D ema nain 2, grau F ema nain 135, total hamutuk partisipantes ezame ema nain 150.

Hahu ho lian nakloke husi Sr. Presidente ba ekipa avaliasaun Dr. Lucas Antonio da Costa, explika konaba kriteria ba ezame requalificação ida ne, atu hatur guarda prizional sira tuir expereciencia durante servisu iha tempo UNTAET to agora.

Tuir fali ho liafuan husi Director Nasional prizaun Dr. Helder Belo, fo nia apresiasaun ba 150 partisipantes nebe tuir ezame.

Intervensaun husi Viçe Ministro Justica Ivo Valente fo nian boas vindas ba partisipantes nebe agora dadauk atu tuir ezame requalificação ba quarda prisonal iha prisao rua iha Timor-Leste, Dili (Becora), Ermera (Gleno). Nebe sublinha importansia husi teste sira nebe gaurada prizaun tenki tuir no passa antes de tama ba regime especial nudar Dekreto Lei numeru 10 / 2012 demanda.

Rekrutamentu sira hahu iha tempo UNTAET hare liu ba quantidade Funsionarius iha instituisaun Estado nian, ohin loron Timor-leste persiza requalifika quadros sira Administrasaun nian ho qualidade, ( uluk rekrutamentu hare liu ba quatidade deit), atu halao servisu iha Timor-Leste, maibe agrora perzisa hadia qualidade prestasauan ka desempenho husi guarda prizaun ba futuro, guarda prizaun Timor-Leste tenki liu ezame medico, ezame eskrita/hakerek, no exame Medico / saude, atu bele hare kapasidade nebe ita iha, hodi bele hatur ba quadros regime especial ida nee.

Viçe Ministro Justica Ivo Valente, mos fo nia motivasaun ba partisipantes nebe tuir ezame, hodi bele halao ezame ida nee.

Ezame ne sei halao durante loron rua, hahu ohin dia 10/09/2014 too dia 11/09/2014 , loron tomak hahu oras 09:00 noo sei termina iha oras 17:00 loraik.