Dili-Ministro Justica (MJ),Dionisio Babo ohin (01/09) halo vizita ba Residensia Amu BispuDioses Dili Dom Alberto Ricardo da Silva hodi informa kona ba servisu seitor justice nia iha Timor Leste durante ne’e. Reuniaun ne’e hal’ao durante oras rua nia laran iha Residensia Amu Bispo Dioses Dili Dom Alberto Ricardo da Silva iha Lesidere Dili Segunda Feira (1/09).

Hafoin reiniaun Ministro Justica,Dionisio Babo hateten amo Bispo mak konvida nia nudar Ministro mai residensia Amu Bispu Dom Alberto Ricardo da Silva hodi inform aba amu Bispo kona ba lala’o no servisu seitor justice emgeral iha ita nia rain, liu-liu kona ba administrasaun da justisa servisus Registo Notariadu,Terras e Propridade,Prizaun,Centru Formasaun Juridico (CFJ) ho dezenvolvimentu iha seitor judisiariu.

“Objektivu mai vizita Amu Bispo ne’e atu informa kona ba servisu seitor justice nia ne’e be durante ne’e hala’o liu-liu kona ba servisu iha administrasaun da justisa (hanesanihaTerras e Propridades,Registoe Notariadu,Prizaun,Centru Formasaun Juridico (CFJ) no iha area Judiciariu (Tribunais, Ministerio Publiku Acessu ba Justisa) ho seluk tan, ”Dehan Ministro Justica,Dionisio Babo
MJ mos informa tan katakTimor Leste sei menus rekursu Humanus iha area judisiaria tanba ne’e Governu liu husi Ministeriu Justica estabelese Centru Formasaun Juridico (CFJ) hodi fo formasaun ba Majistradu Timor Oan sira hodi sai Defensor Publico,Procurador Jeral no Juizes sira. Ita nia juizes no procuradores no defensores publiku sira sei menus tebes tamba ne’e liu husi centru ida ne’e ami fiar katak iha future sei sufesente.

Ami mos koalia buat seluk kona ba planu konstrusaun nunciatura nian iha Dili, tanba Timor-Leste ne nudar paíz katoliku boot liu iha Azia emtermus de percentagem, kompara ho Filipina. MJ mos informa katak governo atribui ona espassu iha besik Igreija Motael atu hari nunciatura hodi tau embaxador Vatikano iha Timor-Leste.Mesmo to agora seidauk iha Konkordata entre governu Timor ho Vatikano, maibe nudar nasaun nebe sarani aas liu iha Azia ita mak tenki hola iniciativa hodi facilita konstrusaun Nunciatura iha Timor-Leste.

Hafoin rona tiha esplikasaun husi Ministro Justica,Amu Bispo do Alberto Ricardo da Silva mos husu katak atu kontinua nafatin servisu hodi servi ita nia povu no nasaun ida ne’e diak liu tan iha future liu-liu iha seitor Adiministrasaun Justisa nian no iha parte Judiciaria hodi bele fo acesso justisa ba ema hotu.